Kezekti paneldik sessııa «Turaqty qoǵamdy qalyptastyrýdaǵy medıanyń mańyzdy róli» taqyrybynda ótti. Sessııaǵa spıker retinde IýNESKO-nyń Qazaqstandaǵy, Qyrǵyzstandaǵy jáne Tájikstandaǵy ókili Magnýs Magnýsson, Qazaqstandaǵy BUU-nyń baspasóz jáne kommýnıkasııalar jónindegi keńesshisi Elnara Baınazarova, Adam quqyqtary jónindegi keńesshi BUU-nyń Qazaqstandaǵy Turaqty úılestirýshisi keńesshisi Sınem Kara, Qazaqstandaǵy EQYU baǵdarlamalar keńsesi basshysynyń orynbasary Iýrıı Fenopetov, Qazaqstandaǵy Internews Network ókildiginiń dırektory Marat Bıǵalıev qatysty.
«Biz halyqty sapaly aqparat kózimen qamtamasyz etý úshin jumys istep jatyrmyz. Bilikti jýrnalıster aqparat taratý kezinde jaýapkershilikti sezinýi qajet. Búgingi ótip jatqan medıa forým jýrnalısterdiń ımıdjin kóterýge múmkindik beredi», dedi Marat Bıǵalıev.
Sondaı-aq ol qazir ulttyq tildegi kontentke suranys kóp ekenin atap ótti.
«Jergilikti kontentti damytyp, qoldaý bildirýimiz kerek. Qazirgi tańda ulttyq tildegi kontentke suranys kóp. Sondaı-aq azamattyq jýrnalıstıkany da damytý qajet», dedi ol.
Sessııa moderatory Berik Ýálıdiń aıtýynsha, Ortalyq Azııa elderinde aqparat taratatyn medıa tapshy.
«Qazaqstanda 5337, О́zbekstanda 1690, Qyrǵyzstanda 2000-nan astam aqparat quraldary tirkelgen. Degenmen Ortalyq Azııa elderinde aqparat tapshy. Búgingi ótken medıaforým nátıjesinde bul olqylyqtar durystalady degen oıdamyz», dedi Berik Ýálı.
Aıta keteıik Astanada eki kúnge josparlanǵan Birinshi Orta Azııa medıa forýmy ótýde. Oǵan 100-den asa sheteldik saıası qaıratker men memlkettik uıymdardyń ókilderi qatysyp jatyr.
