Derekterge sensek, VIII-IH ǵasyrlarda paıda bolǵan delinetin jádigerdi Moıynqum aýdanyna qarasty Amangeldi aýylynyń turǵyny kezdeısoq qolyna túsirgen kórinedi. Ańdyq stılde jasalǵan músin sol dáýirdegi sheberlerdiń qolynan shyqqan desedi biletinder.
«Orta Azııa bilgirleri keltirgen derekterge zer salsaq, elik shekaranyń, densaýlyqtyń, qaýipsizdiktiń qorǵaýshysy, sımvoly retinde baǵalanǵan. Jetisý óńirinde ómir súrgen saqtardyń qoladan jasalǵan músini sol dáýir sheberleriniń deńgeıin aıqyndap tur. Kóp jaǵdaıda mundaı zattar máıitpen birge jerlengen nemese dinı rásimderdiń negizgi elementi retinde moıyndalǵan eken.
Áýelde saqtar tabıǵattyń tylsym qubylystaryna bas ıgen kórinedi. Kún, jel, naızaǵaı sekildi ózge de tabıǵat qubylystaryn olar aıryqsha qurmettegen. Sol dáýirde ǵumyr keshkenderdiń túsinigine sáıkes Qudaı túrli janýarlar men qustardyń keıpine enetin bolǵan», deıdi oblystyq tarıhı-ólketaný mýzeıiniń qyzmetkeri Gúlmıra Nurhan.
TARAZ
