Onda túrki memleketteri uıymynyń birinshi Bas hatshysy Halıl Aqynjy sóz sóıledi. Ol elderdi halyqaralyq yntymaqtastyqty nyǵaıtýǵa shaqyrdy.
«Túrki keńesiniń músheleri qarama-qaıshylyqta bolmaýy kerek. Olar bir-birimen yntymaqta bolýy tıis. Túrki elderi Eýropadan Azııaǵa deıin ornalasqan. Onda bizdiń kórshilerimiz bar. Biz sondaı-aq ishki qaqtyǵystardy sheshýde ról atqarýymyz kerek. Bizdiń ekonomıkamyz kúrdeli. Tek yntymaqtastyq arqyly sheshilýi kerek máseleler bar. Mysaly, sý tapshylyǵy. Taǵy bir mańyzdy másele – qaýipsiz aımaqtyq kórshilik. Bizdiń kórshimiz Aýǵanstan, eger onda birdeńe bolsa, bul bizge tikeleı áser etedi. Bizde olarmen tarıhı qaýymdastyq bar. Biz osy óńirde qaýipsizdik pen turaqtylyqty ornatýǵa úles qosýymyz kerek», dedi spıker.
Aıta keteıik búgin elordada eki kúnge sozylǵan Birinshi Ortalyq Azııa medıa forýmy ótip jatyr. Oǵan shetelden kelgen 100-den asa spıker qatysýda.
