Forým plenarlyq otyryspen ashyldy. Oǵan Qazaqstan Premer-mınıstriniń orynbasary – Saýda jáne ıntegrasııa mınıstri Serik Jumanǵarın men О́zbekstan Premer-mınıstriniń orynbasary – ınvestısııalar jáne syrtqy saýda mınıstri Jamshıd Hodjaev qatysty.
«О́zbekstan – Ortalyq Azııadaǵy basty jáne uzaqmerzimdi seriktes. Bizdiń dostyq qarym-qatynasymyzdyń lokomotıvi – elder arasyndaǵy ózara damyp kele jatqan saýda. Qazaqstan Ortalyq Azııa treginde birlesken qyzmetti damytýǵa asa mán beredi. Forýmdy ótkizý – óńirlik kooperasııany damytýdyń jáne álemdik naryqta Ortalyq Azııa brendin qalyptastyrýdyń mańyzdylyǵynyń taǵy bir dáleli», dedi S.Jumanǵarın.
О́z kezeginde J.Hodjaev halyqaralyq naryqqa birlesip shyǵýǵa qosylǵan quny joǵary ónimdi shyǵarý úshin ónerkásiptik kooperasııany damytý, basymdyqtar negizinde joǵary tehnologııalyq óndirister qurý jónindegi kúsh-jigerdi biriktirý asa mańyzdy ekenin atap ótti.
«Birlesken ózara tıimdi jobalardy odan ári ulǵaıtýdyń áleýeti mol. Bul úshin qajetti resýrstardyń bári bar – óndiristik, tehnologııalyq, kadrlyq jáne tabıǵı resýrstar. Uıymdasqan, birlesken jumys arqyly biz ózbek-qazaq seriktestigin sapaly jańa deńgeıge shyǵara alatynymyzǵa senimdimin», dedi О́zbekstannyń vıse-premeri.
Qazirgi ýaqytta О́zbekstan prezıdenti Shavkat Mırzıeevtiń 2021 jylǵy jeltoqsandaǵy Qazaqstanǵa memlekettik saparynyń qorytyndysy boıynsha eki el úkimetteriniń aldynda saýda kólemin 10 mlrd dollarǵa deıin jetkizý mindeti tur. «Ortalyq Azııa» halyqaralyq ónerkásiptik kooperasııa ortalyǵyn qurý jobasy atalǵan kórsetkishke qol jetkizý jónindegi praktıkalyq is-qımyl josparynyń negizgi elementi. Onyń maqsaty – úshinshi elderdiń naryqtaryna eksporttaýǵa arnalǵan birlesken ónim jasaý úshin «Soltústik-Ońtústik» Ortalyq Azııa ekonomıkalyq dáliziniń negizgi alańyna aınalý.
Eki el arasyndaǵy ónerkásiptik kooperasııa sheńberinde jalpy somasy 2,2 mlrd dollarǵa 38-den astam joba josparlanǵan, 11 myńǵa jýyq jumys orny ashylady. Sonyń ishinde 10 birlesken joba iske asyryldy, onyń jartysy Qazaqstan aýmaǵynda. Qalǵany boıynsha belsendi jumys júrgizilýde.
Forýmda sóz sóılegen S.Jumanǵarın eki eldiń ekonomıkasyna tartylatyn sheteldik ınvestısııalardyń erekshe rólin atap ótti. 2005 jyldan bastap 2022 jyldyń ekinshi toqsanyna deıin О́zbekstannan Qazaqstanǵa tikeleı sheteldik ınvestısııalardyń jalpy aǵyny 22,7 mln dollardy qurady, bul rette О́zbekstan ekonomıkasyna quıylǵan qazaqstandyq ınvestısııa kólemi osy kezeńde 560 mln dollardy qurady.
«Ár el ekonomıkasynyń shaǵyn kólemin jeke eskere otyryp, Ortalyq Azııa óńiri halyqaralyq kapıtaldy tartý máselelerinde birtutas aımaq bolýǵa tıis dep sanaımyn. Ol úshin Qazaqstanda «Astana» halyqaralyq qarjy ortalyǵynyń alańy, ınvestısııalyq preferensııalardy qamtıtyn barlyq qajetti ınfraqurylym quryldy. Biz ınvestorlar úshin qaqpa bolýǵa daıynbyz», dedi Qazaqstan Premer-mınıstriniń orynbasary – Saýda jáne ıntegrasııa mınıstri bıznes-forýmǵa qatysýshylarǵa.
Sondaı-aq ol Qazaqstan qolaıly ınvestısııalyq ahýaldy qalyptastyrý jónindegi jumysty jalǵastyratynyn atap ótip, ózbek kompanııalaryn birlesken jobalardy iske asyrýǵa qatysýǵa shaqyrdy.
Bıznes-forýmnyń qorytyndysy boıynsha S.Jumanǵarın men J.Hodjaev eki eldiń ýákiletti organdary basshylarynyń qatysýymen ekijaqty kezdesý ótkizdi, onda ekonomıkanyń túrli sektorlaryndaǵy yntymaqtastyqtyń jekelegen máseleleri egjeı-tegjeı pysyqtaldy.
