Forýmǵa eki jaqtan 400-den astam delegat qatysty. Bıznes-forým alańynda B2G, B2B kezdesýler ótkizilip, yntymaqtastyqtyń jańa baǵyttary belgilendi.
«QazTrade» saýda saıasatyn damytý ortalyǵy» AQ qoldaý baǵdarlamalaryna qatysýshylar jalpy somasy 112,7 mln dollarǵa 11 kommersııalyq qujat jasasty. Olardyń qatarynda qazaqstandyq «Temirjol jóndeý» JShS kompanııasy men «О́zbekstan temir joly» arasyndaǵy Angren – Pap – Qoqan – Ándijan – Savaı ýchaskesinde temir jol jóndeý qyzmetterin kórsetý týraly kelisim bar. Shart boıynsha kelisimsharttyq mindettemeler 80 mln dollardan asady. Budan basqa, О́zbekstan Respýblıkasynyń densaýlyq saqtaý salasyna jasandy ıntellekttiń kómegin engizý týraly, qazaqstandyq kompanııalardyń alıýmınııden jasalǵan sozba sym, un, alma shyryndary men dámdeýishterdi eksporttaýy týraly kelisimderge qol qoıyldy.
Búgingi tańda Qazaqstanda ózbek kapıtalynyń qatysýymen 1 400-den astam kásiporyn jáne saýda, kásiptik jáne ǵylymı qyzmet, qurylys, kólik, qoımalaý jáne basqa da salalarda 400-den astam birlesken qazaq-ózbek kompanııalary bar.
