Arnaıy vagondardyń ıntererin qazaqstandyq qolónershiler bezendirdi. Sándik pannolar men kıizden jasalǵan kópshikterden jańa jyl merekesiniń lebi seziledi.
Qys maýsymyna oraı QR Prezıdenti Is Basqarmasyna qarasty «Býrabaı damý» mekemesi týrıstik operatorlarmen birlesip ertegi poıyz kestesine yńǵaılap otbasylyq demalys úshin arnaıy bir kúndik týrlardy uıymdastyrady.
Atap aıtqanda, týr baǵdarlamasynda Aıaz atanyń «BurabayLand» oıyn-saýyq saıabaǵyndaǵy rezıdensııasyna barý, buǵy jekken shanamen, ıtshanamen, atshanamen, kvadrosıklmen serýendeý, snoýbord tebý jáne karýselmen terbelý qarastyrylǵan. Sondaı-aq muz qalashyq pen Baqsynyń aýyly, lazertag, qarda júretin kólik, «bananmen» syrǵanaý jáne basqa da qyzyqtar bar.
Aıta ketsek, bul - QR Prezıdentiniń Is Basqarmasyna qarasty «Býrabaı Damý» JShS, «Kazakh Tourism» UK jáne «Jolaýshylar tasymaly» AQ birlesip qolǵa alǵan joba.
