Is-sharalar jospary maquldandy

Otyrysqa qatysýshylar bıyl­ǵy vedomstvoaralyq jumys top­tary qyzmetiniń qory­tyn­dy­syn, Almaty qala­synda Ortalyq Azııa men Aýǵanstan úshin TDM boıynsha BUU óńirlik habyn ashý jónindegi Memleket basshysynyń tapsyr­ma­synyń oryndalý barysyn qarady, sondaı-aq ODM-dy iske asyrýdyń 2023 jylǵa arnalǵan is-sharalar josparyn maquldady.

Premer-mınıstr óz só­zinde Ornyqty damý maqsat­ta­rynyń qaǵıdattaryn engizý azamattardyń ómir súrý sapasyn arttyrýǵa jáne ekonomıkanyń barlyq salasynda úzdik ha­lyq­aralyq standarttardy qabyl­daý­ǵa baǵyttalǵanyn atap ótti.

«Búgingi tańda kelesi jylǵa arnalǵan naqty mindetter belgi­lend­i, olardy birtindep iske asyrý kerek», dedi Á.Smaıylov.

Sonymen qatar Premer-mınıstr bıylǵy shilde aıynda Qazaqstan Nıý-Iorktegi BUU shtab-páterinde ótken joǵary deńgeıdegi saıası forým­da vedomstvoaralyq ju­mys toptarynyń, úkimettik emes sektordyń, sarapshylar qoǵam­das­tyǵynyń jáne halyq­ara­lyq uıymdardyń belsendi qa­ty­sýymen jasalǵan 2030 jylǵa deıingi ornyqty damý sala­syn­daǵy ekinshi Erikti ulttyq sholýdy sátti tanystyrǵanyn atap kórsetti. Onyń aıtýynsha, qujat Qazaqstannyń ótken úsh jyldaǵy jetistikterin keshendi baǵalaıdy.

Sheteldik áriptester res­pýb­lıkada júrgizilip jatqan reformalarǵa qoldaý bildirip, áleý­mettik-ekonomıkalyq sala­nyń negizgi baǵyttaryn odan ári damytý jóninde usynystar aıt­ty.

Otyrysty qorytyndylaı kele, Á.Smaıylov Úılestirý keńesiniń músheleri aıtqan usynystar ári qaraı Úkimettiń jumy­synda eskeriletinin atap ótti, sondaı-aq múddeli memle­ket­tik organdar men uıymdarǵa 2023 jylǵa arnalǵan ornyqty damý maqsattaryn iske asyrý jónindegi is-sharalar jos­pa­ry­nyń ýaqtyly jáne sapaly oryndalýyn qamtamasyz etýdi tapsyrdy.

Aıta ketelik, Birikken Ult­tar Uıymy Ornyqty damý maqsattaryn 2015 jyly kedeılik pen teńsizdikti joıý, qorshaǵan ortany qorǵaý, adamzattyń órken­deýin qamtamasyz etý jónindegi is-qımylǵa shaqyrý maqsatynda qabyldady. Bar­lyǵy 17 baǵyt anyqtaldy, olardy iske asyrý ekonomıka men áleýmettik ómirdiń negizgi salalarynyń damýyna áser etedi. TDM jetistiginiń mo­nıtorıngi – BUU jáne Qazaq­stan Úkimeti ókilderiniń turaqty ba­qylaýynda.