23 jastaǵy sportshy bıyl Qazaqstan tennısi tarıhynda alǵash ret jekeleı synda «Ýımbldon» dodasynda jeńiske jetip, eki márte WTA týrnırinde top jardy. 2000 jyldan beri uıymdastyrylatyn «Eýrazııa jyl adamy» baıqaýynda Elenadan bólek qazaqstandyq sportshylardan ár jyldary Olga Shıshıgına, Ilıa Ilın, Aleksandr Vınokýrov, Elena Hrýstaleva, Gennadıı Golovkın, Dmıtrıı Balandın, Fırýza Sháripova, Qazbek Valıev, Zúlfııa Ǵabıdýllına, taǵy basqa da sportshylar laýreat atanǵan.
Sondaı-aq Dýbaıdaǵy (BAÁ) World Tennis League komandalyq týrnırine qatysyp jatqan Elena Rybakına jarysty sátti bastady. Ol toptyq kezeńniń alǵashqy aınalymynda álemniń 5-raketkasy Belarýs ókili Arına Sobolenkomen kezdesip, qarsylasyn tize búktirdi. «Qarshyǵalar» tobynda óner kórsetip jatqan Elena «Suńqarlar» sapynda kortqa shyqqan A.Sobolenkodan úsh sette – 0:6, 6:1, 10:6 esebimen basym tústi.
Endi E.Rybakına búgin germanııalyq Aleksandr Zverevpen birge jup qurap, aralas synda kanadalyqtar – Felıks Oje-Alıassım men Ejenı Býsharmen sheberlik baıqasady.
