Sońǵy málimetter boıynsha, bankter 284 mlrd teńgege ótinim qabyldady, bul tólenetin ótemaqynyń yqtımal somasynyń 85%-yn quraıdy.
QDKBQ Tóraǵasynyń orynbasary Almaz Qudaıbergenov: «Syıaqy alýǵa talaptanǵan salymshylardyń bári birdeı EDB-ge áli ótinish bergen joq. Kóbinese, olar – shaǵyn depozıtterdiń ıeleri. Osylaısha, statıstıkalyq málimetterge sáıkes, salymshylardyń jartysynan kóbi (54%) somasy 10 myń teńgeden az shot ıeleri bolyp tabylady – negizinen, bul qarajaty eń tómengi qaldyqqa deıin alynǵan depozıtter. Kólemine qaramastan, Baǵdarlama erejelerine sáıkes keletin barlyq depozıt boıynsha syıaqy esepteletinin atap ótkim keledi», deıdi.
Syıaqy alý úshin salymshy 2023 jyldyń 1 qańtarynan keshiktirmeı depozıti ornalastyrylǵan bankke ótinish berý arqyly kelisimin rastaýy qajet.
«Salymshylardy ótemaqy mólsheri az bolsa da, tólemdi alý quqyǵyn paıdalanýǵa shaqyramyn, sebebi ótinish berý úderisiniń ózi birneshe mınýtty ǵana alady. Bankterdiń kópshiligi bul qyzmetti mobıldi qosymshalarda nemese EDB saıtynda júzege asyrady», dep sózin tolyqtyrdy A.Qudaıbergenov.
О́temaqy tólemderi 2023 jyldyń 23 aqpanynan keıin bastalady. 10% ótemaqy alynýy múmkin eń joǵary soma 20 mıllıon teńgeni quraıdy.
Tolyq aqparatty depozıt ornalastyrylǵan bankterden alýǵa bolady, nemese suraqtaryńyzdy info@kdif.kz elektrondy poshtasyna, @kdif_ask telegram-chatyna nemese 1460 tegin nómiri boıynsha QDKBQ baılanys ortalyǵyna joldaýyńyzǵa bolady.
«QDKBQ» AQ baspasóz ortalyǵy
