«Respýblıkada koronavırýstyq ınfeksııa boıynsha epıdemıologııalyq jaǵdaı turaqty. Epıdemıologııalyq jaǵdaıdy baǵalaý matrısasyna sáıkes respýblıka jáne barlyq óńirler jasyl aımaqta ornalasqan. Táýligine COVID-19 boıynsha PTR-diń oń nátıjeli 300-ge deıin jaǵdaıy jáne PTR-diń teris nátıjeli 40-qa deıin jaǵdaıy tirkeledi, naýqastardyń 99%-y saýyǵyp ketti», dep habarlady Densaýlyq saqtaý vıse-mınıstri - Bas memlekettik sanıtarııalyq dárigeri Aıjan Esmaǵambetova.
Onyń aıtýynsha, sońǵy aptada ótken aptamen salystyrǵanda syrqattanýshylyq 3%-ǵa ósken.
Sonymen qatar, 12 óńirde (Astana, Almaty qalalary, Aqmola, Aqtóbe, ShQO, Abaı, BQO, Qaraǵandy, Ulytaý, Qostanaı, Qyzylorda, Mańǵystaý oblystary) R kórsetkishi birlikten joǵary, bul ınfeksııanyń taralýynyń óskenin kórsetedi.
Osyǵan baılanysty spıker R kórsetkishin 1-den joǵary tirkeý kezinde BMSDQ-ǵa sáıkes halyq kóp jınalatyn jerlerde betperde taǵý usynylatynyn eske saldy.
Qazirgi ýaqytta JRVI jáne tumaýmen syrqattanýshylyqtyń maýsymdyq ósýi baıqalady, osylaısha, ótken jyldyń osy kezeńimen salystyrǵanda syrqattanýshylyq 20%-ǵa ósti.
