Jalpy joba áleýmettik jáne qoǵamdyq máselelerdi sheshýde belsendi bolǵan volonterler men volonterlik uıymdardy yntalandyrýǵa baǵyttalǵan. Is-sharanyń uıymdastyrýshysy – Astana qalasy ákimdiginiń «Astana jastary» JRO» kommýnaldyq memlekettik mekemesi Jastar saıasaty máseleleri basqarmasy.
«Volunteer FEST» festıvalinde jyl boıy Astana qalasynda belsendi ári elordada uzaq ýaqyt jumys istep kele jatqan uıymdar men erikti toptardy marapattadyq. Olardyń ishinde ekologııalyq, áleýmettik, tótenshe jaǵdaı jáne ınklıýzıvti, qoǵamdyq tártip pen medısına salasyna qatysy bar volonterlik ujymdar bar», dedi «Astana jastary» Jastar resýrstyq ortalyǵynyń bólim basshysy Araılym Saparáli.
Bıyl eriktiler qatary ótken jylmen salystyrǵanda edáýir kóbeıgen. Ári elordadaǵy volonterler qatary orta býyn ókilderimen tolyǵypty. Olardyń qatarynda «Dobro.qz» bastamashyl eriktiler toby da bar.
«Bizdiń volonterlik uıym 2017 jyly quryldy. Qazir ujymda 63 erikti bar. Olardyń deni 18-den joǵary jastar. Arasynda 50 jasqa deıingi orta býyn ókilderi de bar. Osy ýaqytqa deıin áleýmettik az qamtylǵan otbasylarǵa jáne tótenshe oqıǵalar kezinde qıyn jaǵdaıda qalǵan jandarǵa kómektesip kelemiz. Eldegi pandemııa tusynda da volonterlik ujym qur qol otyrmady», dedi «Dobro.qz» bastamashyl eriktiler tobynyń jetekshisi Adema Esembaeva.
Beıbitshilik jáne kelisim saraıynda ótken festıvalde meıirimdi júrekterge arnaıy elimizge belgili estrada juldyzdary ánnen shashý shashyp, kóńil-kúı syılady.
Zeıin ERǴALI,
«Egemen Qazaqstan»
