«Agenttik «AzııaGazChýndja» JShS quryltaıshylary Qaırat Boranbaev pen Roman Nahanovqa jáne «Qazaq Gaz» AQ Basqarma tóraǵasynyń burynǵy orynbasary Taır Januzaqqa suıytylǵan munaı gazyn satyp alý kezinde 14,5 mlrd teńge urlaý jáne qylmystyq kiristerdi zańdastyrý faktileri boıynsha qylmystyq isti tergeýdi aıaqtady», dep jazylǵan habarlamada.
2022 jylǵy 23 jeltoqsanda Bas prokýratýra isti sottyń qaraýyna jiberdi.
Ulttyq kompanııaǵa keltirilgen zalal «Qazaq Gaz» AQ shottaryna aýdarý arqyly tolyq kólemde óteldi.
Aıaqtalǵan is sheńberinde azamattyq talap qoıý jáne múlikti tárkileý bóliginde úkimniń oryndalýyn qamtamasyz etý maqsatynda aıyptalýshylardyń 38 mlrd teńge somasyndaǵy aqshalaı qarajatyna, 15 jyljymaıtyn múlik obektisine, 3 avtokólik quralyna tyıym salyndy.
Agenttik Qaırat Boranbaevqa jáne basqa adamdarǵa qatysty gaz eksporty kezinde urlaý jáne qylmystyq jolmen alynǵan múlikti zańdastyrý faktileri boıynsha bólingen ister sheńberinde sotqa deıingi tergeýdi jalǵastyrýda.
