Kompanııa 3 qańtardan bastap «TRANSCARD» kólik kartalarynyń quny ózgeretinin habarlady. Derbestendirilgen kólik kartalaryn bastapqy shyǵarý quny – QQS-pen birge 1000 teńgeni (burynǵy baǵasy 800 teńge), qaıta shyǵarý quny QQS-pen birge 2000 teńgeni (burynǵy baǵasy 1500 teńge) quraıdy. Derbestendirilmegen kólik kartalarynyń quny – QQS-pen birge 1000 teńge bolady.
«Baǵanyń ósý sebebi kólik kartalarynyń satyp alý qunynyń edáýir ósýine baılanysty. Sonymen qatar bıyl qoldanystaǵy jabdyqtyń tozýyna baılanysty kólik kartalaryn basyp shyǵarý jónindegi mamandandyrylǵan kassa jabdyǵyn jańǵyrtý júrgizildi», delingen Sity Transportation Systems taratqan aqparatta.
Aıta keteıik, 2020 jyldyń naýryz aıynan bastap elordanyń barlyq kámeletke tolmaǵan turǵyndary úshin qoǵamdyq kólikte júrý tegin. Sapar kezinde kólik kartasyn rastaý qajet. Bul jolaýshylar aǵynyn kórýge jáne basym baǵyttardy anyqtaýǵa múmkindik beredi.
