Dúnıejúzilik reıtıngte 12-orynǵa jaıǵasqan germanııalyq Aleksandr Zverev, 2020 jylǵy AQSh ashyq birinshiliginiń jeńimpazy aýstrııalyq Domınık Tım jáne Tokıo Olımpıadasynyń juptyq syndaǵy jeńimpazy reseılik Anastasııa Pavlıýchenkovamen «Qarshyǵalar» (Hawks) tobynda óner kórsetken jerlesimiz jarys barysynda barlyq qarsylasyn tize búktirdi.
Sonyń ishinde álemniń birinshi raketkasy, bıylǵy US Open jáne Roland Garros týrnırleriniń jeńimpazy Iga Shventek te bar. Bir saǵatqa jalǵasqan matchta Rybakına eki sette – 6:3, 6:1 esebimen basym tústi. Eki tennısshi buǵan deıin kortta bir márte kezdesip, ol match Shventektiń jeńisimen aıaqtalǵan edi. Byltyr Chehııanyń Ostrava qalasynda ótken básekede Iga 7:6, 6:2 esebimen jeńiske jetken. Sondaı-aq Elena Dýbaıdaǵy dodada belarýsııalyq Arına Sobolenko (5-raketka), fransııalyq Karolın Garsııa (4) jáne juptyq synda Zverevpen birge kanadalyqtar – Felıks Oje-Alıassım men Ejenı Býshardy utty.
