Eńbek jáne halyqty áleýmettik qorǵaý mınıstri Tamara Dúısenova Memleket basshysy jarııalaǵan aýqymdy reformalardyń mańyzdy aspektileriniń biri azamattardyń ál-aýqaty men ómir súrý sapasyn arttyrýǵa baǵyttalǵan jańa áleýmettik saıasat ekenin atap ótti. Osyǵan baılanysty eń úzdik halyqaralyq tájirıbeni eskere otyryp, memlekettik qoldaýdy belsendi taǵaıyndaý úshin otbasynyń sıfrlyq kartasyn engizýdi, balalardy áleýmettik qorǵaý sharalaryn kúsheıtýdi, múgedek azamattar úshin, ásirese aýyldyq jerlerde arnaıy áleýmettik qyzmetterdiń qoljetimdiligin arttyrýdy kózdeıtin áleýmettik kodekstiń jobasy ázirlendi.
Budan basqa, jumys isteıtin azamattardyń áleýmettik qorǵalý deńgeıin arttyrý, jastar úshin áleýmettik lıftiler qurý, zeınetaqy júıesin jetildirý jáne zeınetaqy tólemderin arttyrý, jumyspen qamtý ortalyqtaryn qaıta formattaý jáne taǵy basqa sharalar iske asyrylatyn bolady.
Premer-mınıstr áleýmettik kodeks qazaqstandyqtardyń týǵannan bastap qartaıǵanǵa deıingi bazalyq áleýmettik quqyqtaryn belgileıtin mańyzdy qujattardyń biri ekenin atap ótti. Onyń qabyldanýymen memlekettiń áleýmettik saıasaty ótinish formasynan proaktıvti formatqa aýysady, bul azamattardyń ómir súrý sapasyn arttyrýǵa múmkindik beredi.
«Sıfrlyq karta sheńberinde aqparattyq júıe arqyly áleýmettik qoldaý alý qajettiligi aıqyndalady. Iаǵnı, azamat tıisti organdarǵa júginbeı-aq memlekettik qoldaý ala alady. Memleket bul qajettilikti ózi anyqtap, barlyq rásimderdi avtomatty túrde rásimdeıdi», dep atap ótti Álıhan Smaıylov.
Premer-mınıstr jeke áleýmettik sharalar 2023 jyldan bastap júzege asyrylatynyn aıtty, degenmen kodeks áli de Parlamentte bolady.
«Qańtar aıynan bastap bala kútimi boıynsha tólemder bir jyldan bir jarym jasqa tolǵanǵa deıin uzartylady. Áleýmettik saqtandyrý júıesine qatysýshylar úshin jumysynan aıyrylý boıynsha tólemder ortasha aılyq tabystyń 45%-na artady. Jalpy kodekste usynylǵan sharalar áleýmettik qorǵaý júıesin qaıta iske qosýǵa jáne osy salada bolyp jatqan ózgeristerden oń nátıje alýǵa múmkindik beredi», dep atap ótti Álıhan Smaıylov.
