ARMIIа AIBYNYN ASYRǴAN KО́RME

Burnaǵy kúni Astanada elimiz Qorǵanys mınıstrliginiń uıymdastyrýymen “KADEX- 2010” birinshi qarý-jaraq jáne áskerı-tehnı­ka­lyq múlikterdiń halyqaralyq kórmesi bas­taldy. Onyń ashylý saltanatyn Elbasy Nur­sultan Nazarbaev pen elimizge resmı saparmen kelgen Túrik Respýblıkasynyń Prezıdenti Abdýlla Gúl arnaıy kelip tamashalady. Atalmysh kórme Áskerı áýe kúshteriniń elordadaǵy avıasııa­lyq bazasy aýmaǵynda uıymdas­ty­rylyp otyr. Kórmeni uıymdas­ty­rýǵa negizgi uıytqy bolǵan “As­ta­na-Ekspo KS” kórme kompanııasy. Halyqaralyq kórmege Avstrııa, Belarýs, Bolgarııa, Ulybrıtanııa, Germanııa, Ispanııa, Italııa, Qy­taı, Koreıa, Reseı, Slovakııa, Túr­kııa, Ýkraına, Fransııa, Chehııa sekildi ózge de elderdiń kásip­oryn­dary qatysýda. Álemniń 20 elinen kelgen 200-den astam kompanııa ózderiniń qarý-jaraq jáne áskerı tehnıka, IT-tehnologııalar, baılanys, qu­ry­lys jáne medısınalyq múlik­terin kórermen nazaryna usyndy. Kórmeniń mańyzdy bóligin Qazaq­stan Qarýly Kúshteriniń qajetine saı taýar óndiretin otandyq ká­siporyndardyń ókilderi qurap otyr. Qazaqstan tarapynan óz ónimderin kórmeniń arnaıy de­meýshisi “Kazahstan ınjınırıng” ulttyq kompanııasynyń birneshe enshiles kásiporyndary usyndy. Kórmeniń basty maqsattarynyń biri otandyq kásiporyndardyń múm­kindikteri men keleshegin, olar­dyń Qazaqstan Qarýly Kúsh­teri, ózge de áskerler men áskerı quralymdardyń suranysyna sáı­kes damýyn saraptaý bolyp ta­bylady. – “KADEX-2010” kórmesi biz úshin respýblıkaǵa áskerı jáne arnaıy ónimder shyǵaratyn sheteldik iri kásiporyndardy tartýǵa múmkindik týdyryp otyr, – dep atap ótti elimiz Qorǵanys mınıstri Ádilbek Jaqsybekov. – Kórmege qatysatyn bedeldi halyq­aralyq quram otandyq ónerkásipti da­mytý men ǵylymı-tehnıkalyq ba­zany jetildirýge zor yqpal etedi. Qazaqstan Qorǵanys vedom­stvosy basshysynyń shaqyrýymen kórmege Qytaı, Iran qorǵanys mınıstrleri men Ońtústik Koreıa qorǵanys mınıstriniń orynbasary keldi. Sonymen qatar kórmede Reseı Federasııasy, Belarýs, Ýkraına respýblıkalarynyń ir­geli qorǵanys-óndiristik kompa­nııa­larynyń basshylary da boldy. “KADEX-2010” qarý-jaraq jáne áskerı-tehnıkalyq múlik kórmesi sheńberinde konferen­sııalar, semı­narlar, tusaýkeserler men dóńgelek ústelder ótkizilýde. Oǵan Qazaqstan Qarýly Kúsh­teriniń qurylymdyq bólimsheleri, kásiporyndar men uıymdardyń mamandary, sondaı-aq, otandyq jáne sheteldik kásip­oryndardyń ókilderi qatysýda. Kórmeniń ashylý saltanatynan keıin oǵan qatysýshylar men tama­shalaýshy qonaqtar úshin elimizdiń Qarýly Kúshteri arnaıy bólim­deri­niń jaýyngerlik tehnıka úlgi­lerin kórsetýge arnalǵan kór­se­tilim baǵdarlamasy usynylyp, jıylǵan jurtty tánti etti. Áýe qorǵanysy kúshteriniń ushý toptary, SÝ-27 jáne Mıg-29 ushaq­tarymen joǵary sanattaǵy ushqyshtar óz ónerlerin talant­tarymen barynsha ushtastyryp, kórme qonaqtaryn tań-tamasha qal­dyrdy. Qurmetti qaraýyl rotasy men qazaqstandyq brondy tehnı­ka­lardyń joǵary tehnıkalyq múm­kin­dikteri de kópshilik nazaryn aýdar­dy. Aeroutqyr áskerlerdiń desantshy jaýyngerleri para­shıýt­pen sekirip talaıdy tamashaǵa bóle­geni aıbyndy armııamyzdyń shyń­dalǵan sarbazdarynyń jaýyngerlik erekshelikterin jańa qyrynan kórsetkendeı. Osy kúni elimiz Qorǵanys mı­nıstriniń jáne arnaıy kelgen kompanııalar ókilderiniń qatysýy­men “Kórme” ortalyǵynda “Qarý­ly Kúshterdi tehnologııalyq moder­nızasııalaý jáne Qazaqstan Res­pýb­lıkasy qorǵanys-óndiristik kesheniniń damýy” taqyrybynda ha­lyqaralyq áskerı-tehnıkalyq kon­ferensııa ótti. Jıynǵa qatysý­shylar memlekettik áskerı-teh­nıkalyq saıasat sheńberinde Qazaq­stan armııasynyń tehnıkalyq jabdyqtalýynyń bolashaǵyn, sondaı-aq, Qazaqstannyń jáne basqa da elderdiń qorǵanys-óndi­ristik keshenin ıntegrasııalaý múmkindikterin talqylady. Aıtýly kórmeniń saltanatty ja­bylý rásimi erteń qory­tyndylanbaq. Ábdirahman QYDYRBEK, Sýretterdi túsirgender S.BONDARENKO, B.OTARBAEV