Ekonomıka • 28 Jeltoqsan, 2022

Avtonesıe qýanyshy

416 ret

kórsetildi

1 mın

oqý úshin

Bıyl bastalǵan jyldyq 4 paıyzben avtonesıe berý baǵdarlamasy 2023 jylǵy qańtardyń ekinshi jartysynda qaıta jalǵasady. Jeńildetilgen nesıe berý jobasy revolverlik mehanızm negizinde júzege asyrylmaq. Qazaqstan damý banki habarlaǵandaı, baǵdarlamaǵa qatysatyn ekinshi deńgeıli bankter qazir qaryzdy aı saıyn tólep otyrǵan turǵyndardan túsken tólemdi jınaqtap jatyr.

Abaı AIMAǴAMBET

Eki baǵdarlama boıynsha 13 mlrd teńge kóleminde qarajat jınalady, bul keminde 1 300 jańa avtonesıe berýge jetedi.

«Azamattarǵa yńǵaıly ári ádil bolý úshin jáne halyqty kóbirek qamtý maqsatynda qoldanystaǵy eki baǵdarlamanyń úzdik opsııasy qoldanylady. Bul qarajat kózin biriktirip, turǵyndardyń elimizde shyqqan jańa avtokólikti biryńǵaı jáne ashyq ereje boıynsha satyp alýyna múmkindik beredi», delingen Qazaqstan damý bankiniń habarlamasynda.

Sondaı-aq ortalyqtan baqylaýdy qamtamasyz etý úshin budan bylaı baǵdarlama boıynsha qarajattyń bir ǵana operatory retinde Damý bankin qaldyrý josparlanyp otyr. Qazir avtonesıe operatory – QDB men «О́nerkásipti damytý qory» AQ.

Bank taratqan aqparatqa súıensek, 2022 jylǵy 1 jeltoqsanǵa deıin Qazaqstanda bankter 14 myńnan asa paıyzy tómen nesıeni maquldady, onyń ishinde 12,5 myńnan asa jańa mashına berildi. Avtonesıeniń ortasha baǵasy 7,8 mln teńge boldy. Baǵdarlamaǵa Halyk Bank, ForteBank, «Bank SentrKredıt» jáne «Eýrazııalyq bank» qatysyp jatyr. Atalǵan bankterge aldyn ala bergen ótinishi maquldanǵan azamattar kóligi kelgende nesıe rásimdeıdi.