Elordalyq polısııa departamentiniń esirtki qylmysyna qarsy is-qımyl basqarmasynyń qyzmetkerleri elorda aýmaǵynda esirtki óndirýmen aınalysatyn adamdy ustaý boıynsha arnaıy operasııa júrgizdi.
Jedel is-sharalardy ótkizý barysynda buryn birneshe ret sottalǵan elordanyń 53 jastaǵy turǵyny qamaýǵa alyndy. Ustalǵan adamdy turǵylyqty jeri boıynsha tintý kezinde esirtki quraldaryn daıyndaýǵa jáne qoldanýǵa arnalǵan qurylǵylar tárkilendi.
Tergeý barysynda onyń iri mólsherdegi «ekstraksııalyq apıyn» esirtki zatyn ótkizýge qatysy bar ekeni anyqtaldy. Ustalǵan adam óz kinásin moıyndady.
QR QK 297-babynyń 2-bóligi boıynsha «Esirtki, psıhotroptyq zattardy iri mólsherde zańsyz satyp alý, saqtaý, tasymaldaý nemese ótkizý» boıynsha qylmystyq is qozǵaldy. Kúdikti Astana qalasy polısııa departamentiniń ýaqytsha ustaý ızolıatoryna qamaldy.
