INNOVASIIа – DÁÝIR TALABY

Keshe qala ákimdiginiń úlken májilis zalynda I Astanalyq ınno­va­sııalyq forým bolyp ótti. Ony Astana qalasynyń ákimdigi men Qazaq ulttyq jaratylystaný ǵy­lym­dary akademııasy uıymdastyr­dy. Forýmǵa elimizdiń jetekshi teh­nı­kalyq joǵary oqý oryndarynyń rektorlary, belgili ǵalymdar, ǵylymı-zertteý ortalyqtary men ınnovasııalyq qorlardyń basshy­la­ry jáne Qazaqstannyń barlyq óńirlerindegi iri kásiporyndardyń ókilderi, barlyǵy 200-den astam delegat qatysty. I Astanalyq ınnovasııalyq forýmda qala ákimi Imanǵalı Tasmaǵambetov, Syrtqy ister mınıstriniń birinshi orynbasary, Qazaq ulttyq jaratylystaný ǵy­lymdary akademııasynyń prezı­denti Nurtaı Ábiqaev, Indýstrııa jáne jańa tehnologııalar vıse-mınıstri Nurmuhamet Ábdibekov, “Atameken” odaǵy” ulttyq ekono­mı­kalyq palatasynyń tóraǵasy Azat Perýashev, Qazaq ulttyq ja­ratylystaný ǵylymdary akade­mııa­synyń vıse-prezıdenti, “Pa­rasat” ulttyq ǵylymı-tehnıkalyq holdıngi” AQ-tyń basqarma tóraǵasy Nuraly Bekturǵanov jáne basqalar sóıledi. Qazaqstan Respýblıkasynyń Prezıdenti Nursultan Nazarbaevtyń basta­masy boıynsha alǵash ret ótkizilip otyrǵan bul forýmnyń basty maqsaty, elimizdiń bas qalasynyń ekonomıkasyna zamanaýı ozyq tehnologııalardy keńinen engizip, elordamyzda ınnovasııalyq qyz­metti jandandyrý maqsatyndaǵy dıalog alańyn qurý bolyp taby­lady. Osy oraıda elordanyń ınnovasııalyq qyzmetin damytý úshin ǵylym, bilim jáne joǵary tehnıkalyq ınstıtýttardyń, ozyq tehnologııalarmen jumys isteıtin jetekshi kásiporyndardyń ortaq maqsat jolyndaǵy qyzmetterin úılestirip, Astana qalasynyń ekonomıkasyna ınnovasııalyq tehnologııalardy engizýge barynsha qolaıly jaǵdaı týǵyzý, ómirge kelgen ınnovasııalyq jobalardy birlese is júzine asyrý bolyp ta­by­lady. “Innovasııa – bul búgingi qoǵam men zamannyń joǵary tala­byna adam ıdeıasynyń laıyqty jaýaby. Inno­vasııalyq damý úrdisinde eń basty tu­ǵyr ǵylym men tájirıbeniń tutas­tyǵy bolýy qajet. Indýstrııalan­dyrý dáýiri­niń talaby da osy”, dedi Astana qalasynyń ákimi I.Tasma­ǵambetov forýmda sóılegen sózinde. Astana ákimdiginiń derekteri boıynsha, 2009 jyly elordada 8 jańa ınnovasııalyq óndiris iske qosylǵan. 2010 jyly naq osyndaı taǵy da 6 iri óndiris oshaǵy paıdalanýǵa berilmek. Qazirgi ýaqytta qalanyń Indýstrııalyq parkinde jalpy quny 170 mıl­lıard teńge bolatyn 41 iri joba jú­zege asyrylýda. Bul joba­lar­dyń árqaısysy bas qalamyzdyń damýy jolyndaǵy ınnovasııalyq úderistiń tıimdi jumys istep ketýiniń kepili bola alady. Forým sheńberinde elimizdiń ártúrli óńirlerinen kelgen ǵa­lym­dardyń ǵylymı-ınnovasııalyq jobalary tanystyrylyp, arnaıy ashylǵan kórmede birqatar jańa ǵylymı-ınnovasııalyq jumystar­dyń tusaýy kesildi. Osy oraıda, qala ákimdigi men jetekshi kásip­oryndar basshylarynyń qyzyǵý­shy­lyǵyn týdyrǵan birqatar jo­balardy atap ótýge bolady. Shy­ǵys Qazaqstan oblysynyń “Al­taı” óńirlik  ǵylymı-tehnıkalyq parki” AQ pen “Parasat” holdıngi usynǵan jylytý júıeleriniń qýa­ty men sapasyn arttyratyn jylý sorǵylary qondyrǵylary Astana qalasynyń kommýnaldyq kásip­oryndarynda óndiriske engiziletin boldy. Sondaı-aq “Parasat” holdınginiń “Fızıka-tehnıkalyq ınstıtýty” JShS jasap shyǵar­ǵan erekshe jaryq beretin dıodty shamdar energııa qýatyn únemdeýge tıimdi jol ashady. Osy ınstı­týttyń ǵalymdary oılap tapqan elektr energııasyn generasııalaý úshin qoldanylatyn  qabyrshyqty plenkalardy paıdalaný arqyly kún sáýlesi qýatynan elektr ener­gııasyn óndirý qondyrǵylary da qala kásiporyndary mamandary­nyń qyzyǵýshylyǵyn oıatty. S.Toraıǵyrov atyndaǵy Pav­lo­dar memlekettik ýnıversıtetiniń ǵalymdary jasaǵan planetarlyq redýktorlary bar jel-ener­ge­tıkalyq qondyrǵylary, Ál-Farabı atyndaǵy QazMÝ ǵalym­dary usynǵan asfalt-beton qospalaryna paıdalanymnan shyqqan avtokólik shınalarynyń untaqtaryn qosý tehnologııasy, “Seısmologııa ınstıtýty” JShS usynǵan Vıacheslav sý qoımasynyń paıdalaný merziminiń senimdiligin anyqtaıtyn jobalar elorda­myzdyń ekonomıkasyna keńinen qoldanylatyn boldy. Forýmda elimizdiń ekonomıka salasyn damytýǵa jáne onyń ǵylymı áleýetin arttyrýǵa qosqan úlesi úshin “Fıtohımııa” halyq­aralyq ǵylymı-óndiristik hol­dıngi” AQ prezıdenti Serǵazy Áde­kenovke “Qazaqstan Respýb­lıkasynyń tuńǵysh Prezıdenti N.Á.Nazarbaev atyndaǵy Altyn medal”, D.Serikbaev atyndaǵy Shyǵys Qazaqstan tehnıkalyq ýnıversıtetiniń rektory Ǵalym­qaıyr Mutanovqa “Ál-Farabı atyndaǵy Altyn medal”, Q.Ju­banov atyndaǵy Aqtóbe memle­kettik ýnıversıtetiniń rektory Kenjeǵalı Kenjebaevqa “Ál-Farabı atyndaǵy Kúmis medal” tapsyryldy. Forým qorytyn­dysynda Astana qalasynyń ákim­digi, Qazaq ulttyq jaratylys­taný ǵylymdary akademııasy jáne “Atameken” odaǵy” UEP arasynda úshjaqty ózara ınnovasııalyq árip­testik memorandýmyna qol qoıyldy. Jylqybaı JAǴYPARULY.