Iá, sekýndyna 30 metr jyldamdyqpen soqqan jel elektr baǵanalaryn qulatty. Talas aýdanynyń ortalyǵy Qarataý qalasy men Sarysý aýdanynyń ortalyǵyna telingen Jańatas qalasynyń turǵyndary tabıǵattyń tosyn minezinen aıtarlyqtaı zardap shekti. Iá, kisi shyǵyny joq. Áıtkenmen, kópqabatty úılerdiń shatyry ushty, kóptegen kólik qırady, dińi berik aǵashtar qulady. Uıytqı soqqan jelden kelgen shyǵyn saǵat sanap artpasa, kemimesi anyq. О́ıtkeni ushqan shatyr men qulaǵan aǵashtyń talaı dúnıeni tas-talqan etkeni anyq. Al halyq saqtandyrý kompanııalary kóliktiń shyǵynyn ótemeıdi dep qamyǵyp otyr.
Derekterge súıensek, jelden zardap shekken jurt áýelde jylý men jaryqty bylaı qoıǵanda, as atasy nanǵa zárý bolǵan. Áýelde Sarysý aýdanynyń ákimdigi naýbaıhanalardyń isten shyqqanyn málimdedi. Muny: «Naýbaıhanalar isten shyqqandyqtan turǵyndarǵa Taraz qalasynan 7 myń dana nan jetkizildi», degen aýdan ákimdigi baspasóz qyzmetiniń resmı málimdemesinen de aıqyn ańǵarýǵa bolady.
Ázirge 11 kópqabatty turǵyn úıdiń jabyndysy ushqany anyqtalǵan. Qaharly qys qatty qysa bermeıtin óńirde daýyl bir soqqanda qazandyqtyń isten shyqqany da janyńdy aıazdaı qarıdy. Alty aı boıy at qulaǵy kórinbeıtin sarshunaq aıaz ben uıytqyp soǵatyn jeli júıkeńdi juqartatyn teriskeıdiń qysy Jambylǵa jarty aı qonaqtasa jaǵdaı ne bolmaq? Qysqasy, elektr jelilerine táýeldi sanalatyn qazandyqtardyń jaıyn taǵy bir tarazylaıtyn ýaqyt kelip jetken syńaıly. Áıtpese boz boran bolsa, tozyǵy jetken jelilerdiń taǵy da syr beretini sózsiz.
«Dúleı daýyldan qanshama úıdiń shatyry ushty. Onyń bárin áli sanaı jatar. Biraq az emes. Jaryq pen sýsyz qalǵanda kádimgideı ábigerge tústik. Árıne, bári ýaqytpen rettele jatar. Alaıda osy másele kimdi de bolsyn oılandyrsa deısiń», dedi jergilikti turǵyn Baqytjan Bólekbaev.
Rasynda da, uıytqı soqqan jel óńirdiń qysqy maýsymǵa daıyndyǵyn taǵy bir zerdeleıtin ýaqyt kelgenin aıǵaqtap berdi. Jumysshy top shyǵyn mólsherin esepteıdi. Bul rette jergilikti halyq shyǵynnyń tezirek ótelgenin qalaıtynyn aıta ketken de lázim.
«Qarapaıym halyq saqtandyrý kompanııasyna aqshasyn aıamaı tólep júr. Sondyqtan da olar dál osy jaǵdaıda halyqqa kómektesýi kerek. Tabıǵattyń tosyn minezine biz kináli emespiz», dedi qarataýlyq azamat Nurbol Kópbaev.
Rasynda da, tabıǵattyń tosyn minez tanytýy saldarynan kóptegen azamattyń kóligi qırap qaldy. Endi olar avtokólikteriniń saqtandyrý kompanııalary arqyly jóndelgenin qalaıdy. Jergilikti atqarýshy bılik osy máselege de den qoısa deıdi.
Búginde óńirdegi jaǵdaı oblys ákimi Nurjan Nurjigitovtiń baqylaýynda. Jergilikti halyq óńir basshysy barlyq máseleni der kezinde sheshse degen tilegin aıtyp otyr. Iá, qaharly qystyń borany Qarataý men Jańatas halqyn ǵana emes, Jýaly aýdany, Taraz qalasynyń turǵyndaryn da qyspaqqa aldy. Búginde barlyq jerde jaǵdaı qalypqa kele bastady. Elektr energııasy men jylý tolyqtaı berildi deýge bolady.
Sarysý aýdanynda tótenshe jaǵdaı saldaryn joıý jumystary qyzý atqarylýda. Oblys ákimi N.Nurjigitov aýdanǵa jumys saparymen baryp, eń aldymen Jańatas qalasyna elektr energııasyn jáne jylý berý máselesin jedel sheshýdi tapsyrǵan bolatyn. Atqarylǵan jumys nátıjesinde buǵan deıin qalaǵa elektr energııasy berilgen, endi jylýmen qamtý sharalary júzege asa bastady.
Qazir «JańatasSýJylý» MKK jylýmen jabdyqtaý júıelerine sý toltyrý, jeke generatorlarynyń qýaty aınalym-sorǵylarynyń qyzmetin qalypqa keltirý jumystary qyzý jalǵasýda. Osyǵan oraı qalaǵa jylý berý kezeń-kezeńimen iske asyp, bir táýlikte tolyǵymen jylýǵa qosylady dep josparlanǵan.
«Eske sala keteıik, buǵan deıingi qatty daýyl saldarynan Jańatas qalasyndaǵy elektr baǵanalary qulap, elektr jelileri tıisti kerneýdi taratýda kedergi týyndaǵan. Soǵan baılanysty «JańatasSýJylý» MKK jumysyn toqtatýǵa májbúr bolyp, jylýmen jabdyqtaý júıesinen sýdy aǵyzý týraly sheshim qabyldanǵan bolatyn», delingen jergilikti atqarýshy bıliktiń resmı jaýabynda.
Jambyl oblysy
