Sapar aıasynda «Netafim» kompanııasynyń óńirlik dırektory Zohar Zıv, Kıbýs ındýstrııasy qaýymdastyǵynyń halyqaralyq saýda jónindegi dırektory Mıhal Zoran, sondaı-aq «Mapalagro», «AgroScout» jáne «Tal-Ya» agrotehnıkalyq kompanııalarynyń ókilderi S. Burshaqovty joǵary tehnologııalyq jylyjaılarmen jáne fermalarmen jumysta qoldanylatyn ozyq ırrıgasııalyq sheshimdermen tanystyrdy.
Dıplomat elimizdiń aýyl sharýashylyǵy salasyndaǵy áleýeti men birlesken ınvestısııalyq jobalardy iske asyrý múmkindikterin atap ótip, ızraıldik agrarshylardy Prezıdent Qasym-Jomart Toqaevtyń elimizdiń ınvestısııalyq tartymdylyǵyn arttyrýǵa, sondaı-aq ınvestorlardy úkimet pen óńirler tarapynan keshendi qoldaýmen qamtamasyz etýge baǵyttalǵan reformalary týraly habardar etti.
О́z kezeginde, tamshylatyp jáne mıkro sýarý naryǵynda álemdik kóshbasshy sanalatyn «Netafim» kompanııasynyń ókilderi Qazaqstanmen yntymaqtastyqty damytýǵa, jylyjaılar men sý sharýashylyǵy qurylysy salasyndaǵy birlesken jobalardy iske asyrýǵa qyzyǵýshylyq tanytty.
Osyǵan oraı 2023 jyly Qazaqstannyń keıbir óńirlerine bıznes-mıssııalar uıymdastyrý josparlanýda.
