Negizi Asaýbaeva atalǵan jarysta birde-bir ret jeńilistiń kermek dámin tatqan joq. Ol Ázerbaıjannyń ókili Gıýnaı Mamedzademen birge 8,5 upaıdan oljalady. Alaıda qandasymyz qosymsha kórsetkishter boıynsha qarsylasyn alǵa jiberip aldy.
«Demalys kúnderi Qytaıdaǵy týrnırge qatysyp qaıttyq. Qarsylastarymnyń eshqaısysyna ese jibergen joqpyn. Eger bir upaı artyq alǵanymda jaǵdaı basqasha bolar edi. О́kinishke qaraı, bul týrnırde taı-breık oınalmaıdy. Sonyń saldarynan ekinshi orynda qalyp qoıdym. Kelesi joly ondaı qatelikterge jol bermeýge tıispin», deıdi Bıbisara. Al qola medal ızraıldik shahmatshy Marsel Efroımskıge buıyrdy.
