Jerlesterimiz Qıyr Shyǵystaǵy alǵashqy eki kezdesýinde Habarovskiniń «Amýrynan» jeńilip qalǵan bolatyn. Al Vladıvostoktyń «Admıralymen» kezdesýinde jaqsy nátıje kórsetti. Oıynnyń 6 mınýtynda alań ıeleri esep ashqanyna qaramastan, bizdiń jigitterdiń basymdyǵy anyq baıqaldy. Aıtqandaı-aq, kelesi gol kóp kúttirgen joq. 15 mınýtta Ádil Beketaevtan tamasha pas alǵan Aleks Grant tarazy basyn teńestirdi. Úzilisten keıin 33 jastaǵy kanadalyq legıoner tipten qanattanyp ketti. Ol «Admıraldyń» qaqpasyn taǵy úsh márte dál kózdedi. Sol aralyqta Leonıd Tambıev qaqpashyny aýystyryp, Nıkıta Serebrıakovtyń ornyna tájirıbeli Aleksandr Lazýshın shyqty. Biraq odan eshteńe ózgergen joq. Osylaısha, Aleks Granttyń esimi QHL-dyń tarıhynda tórt gol soqqan tuńǵysh qorǵaýshy retinde qaldy. Al matchtyń núktesin Egor Petýhov qoıdy. Qorytyndy esep – 1:5.
Dál sol kúni Chelıabiniń «Traktory» óz muz aıdynynda Máskeýdiń SSKA-syna ese jiberdi. Sonyń arqasynda «Barys» pleı-off aýmaǵynda qaldy.
