MÁJILIS BIýROSYNYŃ KEZEKTI OTYRYSY

Parlament Májilisiniń Tóraǵasy Oral Muhamedjanovtyń jetekshiligimen ótken palata bıýrosynyń otyrysynda zań jobalarynyń daıyndyǵy týraly máseleler qaraldy, dep habarlady Májilistiń baspasóz qyzmeti. Qarjy jáne bıýdjet komıteti Úkimettiń jáne Respýblıkalyq bıýdjettiń atqarylýyn baqylaý jónindegi esep komıtetiniń 2009 jylǵy respýblıkalyq bıýdjettiń atqarylýy týraly esepterin palata talqysyna shyǵarýǵa bolatynyn málim etti. Osy komıtettiń usy­nýy­men “Qazaqstan Respýblıka­syn­daǵy keden isi týraly”, “Qa­zaqstan Respýblıkasynyń keıbir zańnamalyq aktilerine kedendik retteý jáne salyq salý máseleleri boıynsha ózgerister men tolyq­ty­rý­lar engizý týraly” (birinshi oqy­lym), “Qazaqstan Respýblı­ka­syn­daǵy keden isi týraly” Qazaqstan Respýblıkasynyń Kodeksin qol­danysqa engizý týraly” zań jobalary qaraldy. Halyqaralyq ister, qorǵanys jáne qaýipsizdik komıteti birqatar zań jobalaryn qaraýdy usynyp otyr. Atap aıtqanda, “2009 jylǵy 27 qarashadaǵy Keden odaǵynyń Keden kodeksi týraly shartqa ózgerister men tolyqtyrýlar engizý týraly hattamany ratıfıkasııalaý týraly”, “Keden odaǵynyń Keden kodeksi týraly shartty ratıfıka­sııalaý týraly”, “Bir taraptan Qazaqstan Respýblıkasy jáne ekin­shi taraptan Eýropa qoǵam­dastyqtary men olarǵa múshe memleketter arasyndaǵy áriptestik pen yntymaqtastyq týraly kelisimge, Bolgarııa men Rýmy­nııanyń áriptestik pen ynty­maqtastyq týraly kelisimge qosy­lýy týraly hattamany ratıfı­kasııalaý týraly” zań jobalary jalpy otyrysqa shyǵarylady. Bıýroda Zańnama jáne sot-quqyqtyq reforma komıteti “Qazaqstan Respýblıkasynyń keıbir zańnamalyq aktilerine sáıkestendirý nómirleri máseleleri boıynsha ózgerister engizý týraly” zań jobasynyń daıyn ekenin málimdedi. Sonymen qatar, bıýro otyrysynda depýtattyq korpýstyń zań shyǵarýshylyq qyzmetine qatysty basqa da máseleler qaraldy.