2023 jyldyń 1 qańtarynan bastap qoldanysqa engen ataýly áleýmettik kómek alatyn otbasylardyń balalaryna kórsetiletin kepildik berilgen áleýmettik toptamany monetızasııalaý, ata-analarǵa balalardyń jeke qajettilikterine qaraı kerekti taýarlardy óz betinshe tańdaýǵa múmkindik beretin bolady.
2020 jylǵy qańtar aıynan bastap ataýly áleýmettik kómek (AÁK) alatyn otbasylardyń 1 jastan 6 jasqa deıingi balalaryna AÁK-ke qosymsha áleýmettik qoldaý sharasy retinde azyq-túlik pen turmystyq hımııa jıyntyǵy túrindegi kepildik berilgen áleýmettik toptama usynylǵany belgili.
2022 jyly áleýmettik kómek alatyn otbasynyń árbir múshesine, ıaǵnı ár balaǵa AÁK-tiń ortasha mólsheri 6 650 teńgeni qurady. Tabysy az otbasylardyń balalaryna qosymsha usynylatyn azyq-túlik pen turmystyq jıyntyqtyń quny 5 174 teńge deńgeıinde belgilendi.
Bul rette kepildik berilgen áleýmettik toptamany alýshylardan osy toptamany zattaı túrden aqshalaı formatqa aýystyrý týraly usynystar jıi kelip tústi.
Kepildik berilgen áleýmettik toptamany alýshylardyń usynystaryn eskere otyryp, 2023 jyldan bastap kepildik berilgen áleýmettik toptamany monetızasııalaý týraly sheshim qabyldandy. Monetızasııa AÁK alatyn árbir balaǵa aı saıynǵy negizde 1,5 aılyq eseptik kórsetkish mólsherinde qosymsha aqshalaı tólem túrinde júzege asyryldy. Bul ata-analarǵa balalardyń jeke qajettilikterine baılanysty qajetti taýarlardy óz betinshe tańdaýǵa múmkindik beredi.
