Eraly Toǵjanovtyń aıtýynsha, Aqtóbe oblysynda turaqty makroekonomıkalyq jaǵdaı qalyptasqan. О́nerkásip, aýyl sharýashylyǵy, ınvestısııa jáne turǵyn úı qurylysy salalaryndaǵy negizgi áleýmettik-ekonomıkalyq kórsetkishterdiń ósimi qamtamasyz etilgen.
Prezıdentke ınvestısııa tartý jónindegi sharalar týraly baıandaldy. О́tkizilgen ınvestısııalyq forýmdardyń nátıjesinde tek sońǵy úsh aıda jalpy quny 3 trıllıon teńgeden asatyn 12 memorandýmǵa qol qoıyldy. Sondaı-aq óńirdiń ekologııalyq ahýalyn jaqsartý jumystary jandana tústi.
Budan bólek, agroónerkásip kesheni men aýyldyq jerlerdi damytýǵa qatysty Prezıdent tapsyrmasynyń oryndalýy jóninde málimet berildi. Oblys ákimi óńirdegi 315 eldi mekendi keshendi túrde damytý tujyrymdamasy ázirlenip jatqanyn jetkizdi.
Aıta ketsek, aımaqta «Aýyl amanaty» jobasy júzege asyrylyp jatyr. Jobany qarjylandyrýǵa 2022 jyly respýblıkalyq bıýdjetten 3 mıllıard teńge, bıyl qosymsha 3,5 mıllıard teńge bólingen.
Sonymen qatar «Bilim All» jobasy aıasynda 10 myńǵa jýyq bala oqıtyn 120 shaǵyn jınaqty aýyl mektebiniń bilim sapasyn arttyrý sharalary qabyldanyp jatyr.
Kezdesý sońynda Prezıdent óńir ınfraqurylymyn damytý jáne oblys turǵyndaryn alańdatatyn áleýmettik máselelerdi sheshý jumystaryn jalǵastyrýdy tapsyrdy.
