Dástúr boıynsha bedeldi synshylar birlestigi 2022 jylǵy úzdikterdi anyqtaý úshin elimizdiń barlyq teatryna saýaldama joldaıdy. Saýaldamada el teatrlaryndaǵy shyǵarmashylyq úrdis, repertýar qurý saıasaty, kórermenderdiń spektaklge kelýi, sonymen qatar osy úrdisti ýaqtyly saraptamadan ótkizýge baılanysty suraqtar qamtylǵan. Iаǵnı osynyń bári de otandyq jáne halyqaralyq teatr qaýymdastyqtary, kásibı mamandar men resmı memlekettik mekemeler tarapynan qyzyǵýshylyq týdyratyn máseleler.
Sonymen 2022 jyldyń qorytyndysy boıynsha, «Astana Balet» teatry tómendegi atalymdar boıynsha synshylar taǵaıyndaǵan syılyqtarmen marapattaldy.
«Jyldyń úzdik baleti» ataǵy – aqyn Baqyt Qaıyrbekovtiń lıbrettosyna teatrdyń bas baletmeısteri Mýkaram Avahrı qoıǵan «Jibek joly» spektakline berildi. Qoıylymnyń tabysty bolýyna Arman Amar, Renat Ǵaısın, Vladımır Ivanoff jáne Omar Farýk Tekbılek syndy tanymal óner qaıratkerleri atsalysqan. Bul qoshemetke ıe bolý úshin kostıým sýretshileri – Ásel Shalabaeva men Dına Býksıkova, ssenograf – Asqar Ysqaqov, beınesýretshi – Nurlan Kereı, jaryq sýretshisi – Robert Daýtov ta az eńbek sińirmegen.
Al «Úzdik balet ártisi» júldesi – «Orfeı men Evrıdıka» spektaklindegi Evrıdıka rólin somdaǵan teatrdyń jetekshi solısi Tatıana Tenge buıyrdy.
ALMATY
