Respýblıkalyq basylymdardyń birazy qurylymdyq ózgeristerdi bastan keshti. Quryltaıshysy oblystyq ákimdik bolyp kelgen óńirlik gazetterde de ózgeris bar, birazy medıaholdıngterge birikti. Al qalalyq, aýdandyq basylymdardyń kópshiliginiń menshik ıesi ózgerip, jekemenshikke ótti. Ortalyqtan shyǵatyn gazetter mamannan tapshylyq kórmeýi múmkin. Al jergilikti basylymdardyń basty máselesi kadr jetispeýshiligi bolyp otyr. Ásirese, talaı qalam ıesiniń shyǵarmashylyq soqpaǵynyń bastaýy bolǵan aýdandyq gazetterdiń ahýaly alańdatady. Taralymy tómendep, jumys isteıtin maman tappaı otyrǵan olarǵa zamanaýı tehnologııa engizýdiń ózi qol jetpes armanǵa aınalǵan.
Degenmen júıeli jumys arqasynda aqparat quraldarynyń aıasyn keńeıtip otyrǵan aımaqtar da bar ekenin aıta keteıik. Osydan 12 jyl buryn Qyzylorda oblysynda «Syr medıa» sharýashylyq júrgizý quqyǵyndaǵy memlekettik kommýnaldyq kásiporny quryldy. Oblystyq «Syr boıy» jáne «Kyzylordınskıe vestı» gazetterinde qalyptasqan qarjylyq qıyndyqtardy sheshý, tıimdi basqarý júıesin qalyptastyrý, gazetterdiń materıaldyq-tehnıkalyq jaǵdaıyn jaqsartý, basylymdardyń ýaqyt suranysyna saı elektrondyq qyzmetin keńeıtý úshin qurylǵan kásiporyn az ýaqyt aıasynda mıssııasyn oryndady. Úsh jyldan keıin jaýapkershiligi shekteýli seriktestik bolyp qaıta uıymdastyrylǵan kásiporyn quramyna 7 aýdandyq, 1 qalalyq gazet qosyldy. Jańa mekemege birikken basylymdardyń jaǵdaıy ala-qula edi. Keıbiriniń ǵımaraty men kóligi joq, tehnıkalyq jaraqtandyrylýy da «áp, bárekeldi» degize qoımaıtyn. Az jylda osy máseleniń kóbi sheshimin taýyp, qala jáne aýdandyq basylymdar taralymy artyp, aıasy keńeıe tústi.
Ǵımarat demekshi osy ujymdar arasynda baspanasyn óz kúshimen salyp alǵan redaksııalar da bar. Keler jyly Jańaqorǵan aýdandyq «Jańaqorǵan tynysy» gazetiniń jaryq kóre bastaǵanyna 90 jyl tolady. 1933 jyldyń qyrkúıeginde aýdandyq partııa komıtetiniń organy retinde «Qyzylmaqtashy» degen ataýmen shyǵa bastaǵan basylym ár jyldary oqyrman qolyna «Ekpindi», «Kommýnızm joly» degen ataýmen jetip turypty. О́z tarıhynda soǵys ýaqytynda bir jyl shyqpaı qalyp, kóp uzamaı oqyrmanymen qaıta qaýyshypty. El egemendigimen birge jańaryp, 1991 jyly «Jańaqorǵan tynysy» degen atqa ıe bolǵan.
Naryqtyq ekonomıkaǵa beıimdelgen kezeńde redaksııa men baspahana bólinip, jeke qurylym retinde qyzmet ete bastady. Kóp keshikpeı eki qabatty ǵımaratty óziniń menshigine alǵan «Kazpolıgrafııa» AQ redaksııadan ony bosatýdy talap etedi. Oblysta alǵash redaksııalar arasynda jaýapkershiligi shekteýli seriktestik bolyp qurylǵan gazet ujymy bul qıyndyqtan da shyǵýdyń jolyn taýypty. Sol tusta ujymdy basqarǵan Almas Bekjigitovtiń bastamasymen mekeme janynan qosalqy sharýashylyq ashýǵa da talpynys jasalyp, qolma-qol qarjy tapshylyǵynan sharýashylyqtar un, kúrish, jem-shóptiń esebinen gazetke jazylǵan kezder de ótti.
Bas redaktor Almas Bekjigitovtiń basshylyǵymen ár ǵımaratqa kóship-qonyp júrgen redaksııaǵa 2006 jyly aýdandaǵy mekeme, sharýashylyqtar qurylys materıaldaryn túsirip berip, tóbesin jabatyn shatyryn taýyp beredi. Basqa da kerek-jaraqtary úshin redaksııa múlki kepilge qoıylyp, bankten alynǵan nesıe jarnamadan túsken tabyspen jabyldy.
«Syr medıa» JShS quramyna engennen keıin gazettiń ekinshi tynysy ashyldy. Taqyryptyq aıasy keńeıip, dızaıny men mazmuny jańa sıpatqa ıe boldy. Gazet saıty ashylyp, oqyrmandar gazettiń PDF nusqasyn oqı alatyn boldy.
Oqyrmannyń oıynan shyǵatyndaı mazmundy maqalalar jazyp, oı bólisý, tolǵaqty máseleler jóninde qoǵamdyq pikir týǵyzýǵa umtylǵan gazette «Aldaspan», «Daýa», «Shamshyraq», «Syrǵalym», «Jeti jarǵy», «Syrlasý», «Qalamger», «Naryq pen halyq» dep atalatyn arnaıy better bar. Bul oqyrman aldynda basylym básin salmaqtandyra tússe kerek.
Sońǵy jyldary «Syr medıa» JShS baspasózge jazylýdy ózderi júrgizip, taratý qyzmetin de atqaryp otyr. О́ıtkeni gazet – taýar. Ol tutynýshyǵa ýaqytyly jetýge tıis. Bul bir jaǵynan gazetke jazylym baǵasyn ósirmeýdiń de joly. Osy kúni Jańaqorǵan kentinde birqatar basylymdy 11 poshtashy taratady, ár aýylda basylymdy oqyrmanǵa der kezinde jetkizetin mamandar bar.
Jaqynda aımaqqa saparmen kelgen Aqparat jáne qoǵamdyq damý mınıstri Darhan Qydyráli «Jańaqorǵan tynysy» gazetine arnaıy soǵyp, aýdandyq basylym jumysymen tanysty.
«Bizdiń jaǵdaıymyzben tanysqan mınıstr jergilikti gazette tájirıbe jınap, úlken basylymdarǵa ábden shyńdalyp baratyn úlgili úrdisterdi úzip almaý, talapty jastardy yntalandyrý kerektigin aıtty. Aýdandyq gazette júrgen Oralhandy, Farızany tanı bilgen Sheraǵańnyń úlgisin atap ótti. Aýdanda otyryp, qazaq baspasózine qyzmet jasap otyrǵan azamattarǵa osy salanyń jetekshisi retinde alǵysyn jetkizdi. «Aýdandyq gazettiń bir ozyq tusy – qarapaıym eńbek adamynyń shynaıy beınesin berip keledi. Bul eńbek adamyna úlken qýanysh syılaıdy. Solardyń qýanyshyna ortaq bolý, bul bir jaǵynan óte saýapty, izgilikti jumys. Aýdandyq gazettiń jeti myń danamen taraýy, redaksııa úıiniń asarmen salynýy, bári de eldiktiń týy bıiktigin, halyqtyń ujymdyq rýhy berik ekendigin kórsetedi. Sizderdiń úlgilerińizdi kópke taratýǵa tyrysý kerek» degen mınıstrdiń lebizi mereıimizdi tasytty», deıdi gazettiń bas redaktory Baıan Úseıinova.
«Jańaqorǵan tynysynyń» júırik jýrnalısteri aýdan, oblys, respýblıka deńgeıinde uıymdastyrylǵan shyǵarmashylyq baıqaý, konkýrstardyń júldegeri atanyp júr. Redaksııa qyzmetkerlerinen jasaqtalǵan fýtbol komandasy da talaı jarystan oljamen oraldy.
Dástúrli BAQ pen jańa medıany úılestirgen ujym gazet saıtyn jańa sapaǵa kóterý jolynda jumyla eńbek etip keledi. Toqsan jyldyq tarıhy bar basylym eldik pen erliktiń jarshysy retinde qurmet tórinde tur.
Qyzylorda
