Bir jylda Mańǵystaý oblysynda et ónimderi birden 22,6%-ǵa qymbattady. Antıkóshbasshylar qataryna Pavlodar (21,7%) men Soltústik Qazaqstan (21,5%) oblystary da endi. Eń tómengi jyldyq baǵa ósimi Ulytaý oblysynda baıqaldy - 9,7%.
Jyldyq dınamıkada et pen qus eti 15,4%-ǵa, shujyq - 22,2%-ǵa, et ónimderi - 15,9%-ǵa qymbattady. Et ónimderiniń ishinde qus eti bir jylda 29,4%-ǵa, jylqy eti - 16,7%-ǵa, shoshqa eti - 14,3%-ǵa, qoı eti - 12,9%-ǵa, sıyr eti - 10,1%-ǵa ósti. Sondaı-aq qaınatylǵan shujyq - 23,6%-ǵa, jartylaı ystalǵan shujyq - 22,2%-ǵa qymbattady.
2022 jyldyń 1 jeltoqsanyna qaraı Qazaqstanda eshki sany - 2,3 mln basqa deıin jáne shoshqa sany - 812,5 myń basqa deıin ósti. Jylqy sany bir jylda 12,1%-ǵa, 3,7 mln basqa deıin, túıe - 8,6%-ǵa, 260,5 myń basqa deıin, iri qara - 5,2%-ǵa, 8,5 mln basqa deıin, qoı - 4,4%-ǵa, 19,6 mln basqa deıin, qus - 1,1%-ǵa, 50,8 mln basqa deıin ósken.
Taýyq jumyrtqasynyń óndirisi bir jylda 4,9%-ǵa artty. Sharýashylyqtarda 5,9 mln tonna sıyr súti saýyldy, bul ótken jylmen salystyrǵanda 2,1%-ǵa artyq.
Iri janýarlardyń teri óndirisi bir jylda 0,7%-ǵa, 2,9 mln danaǵa deıin ósse, usaq janýarlardyń terisi kerisinshe 0,5%-ǵa, 6,6 mln danaǵa deıin tómendedi
2022 jyldyń 31 jeltoqsanynan bastap Aýyl sharýashylyǵy mınıstriniń buıryǵyna sáıkes Qazaqstanda aýyl sharýashylyǵy janýarlaryn el aýmaǵynan áketýdiń jańa erejeleri bekitilip, sandyq shekteýler engizildi.
