Álemniń 50 elinen stýdentter qatysyp jatqan sporttyq jarys AQSh-tyń Leık-Plesıd qalasynda ótip jatyr.
Jarys aldynda mınıstr Saıasat Nurbek jas sportshylarǵa sáttilik tiledi.
«Sporttaǵy sáttilik tek eńbekpen jáne kúsh-jigermen birge keledi. Sondyqtan sizderge shydamdylyq, ishki shabyt jáne jeńiske degen myzǵymas senimdilik tileımin. Bizdiń qurama elimizdiń namysyn laıyqty túrde qorǵaı alatynyna senimdimin», dep atap ótti mınıstr.
Búgin qysqy Ýnıversıadada alǵashqylardyń biri bolyp Qazaqstannyń hokkeıden erler quramasy oınady. Ońtústik Koreıa quramasyna qarsy bastapqy matchta bizdiń hokkeıshiler 5:1 esebimen jeńiske jetti. Qazaqstan quramasynyń quramynda Aldııar Nurlan, Maksım Mýsorov, Kırıll Polohov jáne Maksım Muhametov shaıba saldy. Hokkeı quramasy Qazaq sport jáne týrızm akademııasynyń stýdentterinen turady. Qazaqstandyqtar V tobynda óner kórsetedi, onda Ulybrıtanııa, Majarstan, Slovakııa jáne AQSh komandalaryna qarsy oınaıdy.
Eske salsaq, Qazaqstan namysyn sporttyń on túrinen 78 sportshy qorǵaıdy. Stýdentter bıatlon, snoýbord, shańǵy, taý shańǵysy, short-trek, mánerlep syrǵanaý, shańǵy qossaıysy, konkı, shańǵymen tramplınnen sekirý jáne shaıbaly hokkeı sekildi sport túrlerinen baq synaıdy.
