Birinshi kezekte Úkimet basshysy ınnovasııalyq tehnologııalardy qoldana otyryp, jemis-jıdekterdi tereń óńdeıtin «Fruit Art» JShS eksporttyq klasterine bardy. Kásiporynnyń ónimi damyǵan elderdiń naryqtaryna (tamaq ónerkásibi jáne bólshek saýda jelileri), sonyń ishinde EO, AQSh, Japonııa jáne Ońtústik Koreıaǵa jetkiziledi.
Sondaı-aq Premer-mınıstr oblystyń aýyl sharýashylyǵy qurylymdarynyń basshylarymen kezdesip, sýbsıdııalaý, aınalym qarajatymen qamtamasyz etý, sý jáne gaz kózderin qoljetimdi etý, jem-shóp, veterınarııalyq preparattar, tuqymdar, tyńaıtqyshtar, pestısıdter, gerbısıdter, aýyl sharýashylyǵy tehnıkasy jáne t. b. satyp alý máselelerin talqylady.
«Buryn ónimdilikke tikeleı áser etetin sýbsıdııalardy ǵana qaldyrý úshin sýbsıdııalaý júıesin ózgertý josparda bolǵan. Biraq fermerlermen keńeskennen keıin biz qoldanystaǵy keıbir sýbsıdııalaý standarttaryn saqtap qalý týraly ortaq kelisimge keldik. О́z tarapynan aýyl sharýashylyǵy taýaryn óndirýshiler azamattardy qoljetimdi baǵada sapaly ónimmen qamtamasyz etýge tıis», dedi Premer-mınıstr.
Sonymen qatar Álıhan Smaıylov aldaǵy jyldary Úkimet sharýalarǵa qajetti sý kólemin jetkizip berý úshin kanaldar men gıdronysandardy salýǵa jáne jańǵyrtýǵa qosymsha qarajat bóletinin aıtty.
Odan keıin Premer-mınıstr 2022 jyly iske qosylǵan jáne jylyna 15 myńǵa deıin ónim shyǵaratyn «Nauryz Agro KZ» JShS broılerlik qus fabrıkasynyń jumysymen tanysty. Barlyq álemdik standarttarǵa sáıkes keletin kásiporynnyń óz ınkýbatory bar jáne qazirgi ýaqytta et óńdeý sehynyń qurylysy júrip jatyr.
Álıhan Smaıylov qus fabrıkasynyń óńir ekonomıkasy úshin ǵana emes, ishki naryqty otandyq azyq-túlikpen qamtamasyz etý úshin de mańyzdy zor ekenin aıtty.
«Azyq-túlik qaýipsizdigi – búgingi kúnniń basty syn-qaterleriniń biri. Oblys ákimdigi óz ónimderiniń básekege qabilettiligin jáne agroónerkásip keshenindegi jumyspen qamtý deńgeıin arttyrý úshin osyndaı jobalarǵa qoldaý kórsetýi qajet», dedi Premer-Mınıstr.
Sonymen qatar Úkimet basshysy tez daıyndalatyn tamaq ónimderin óndirýmen aınalysatyn «Mareven Fýd Tıan-Shan» JShS kásipornyna bardy. О́z ónimderin ishki naryqqa da, jaqyn shet elderge de satyp otyrǵan zaýytta 850 adam jumys isteıdi. О́tken jyly munda alkogolsiz sýsyndardyń jańa jelisi iske qosyldy. О́ndiris qýatty jylyna 78 mln bótelkeni (lımonadtar jáne t.b.) qurady. Qosymsha 90 jumys orny quryldy.
Álıhan Smaıylovtyń aıtýynsha, bul zamanaýı zaýyt – sheteldik ınvestısııanyń qatysýymen iske asyp jatqan tabysty jobanyń naqty kórinisi.
«Búgingi tańda ónimniń 70%-dan astamy eksportqa jiberiledi, bul óńirdegi tamaq ónerkásibin damytý áleýeti qanshalyqty joǵary ekenin kórsetedi. Osyǵan baılanysty jergilikti bılik jumys istep turǵan kásiporyndardy jańǵyrtý jáne olardy keńeıtý máseleleri boıynsha járdemdesýi qajet», dedi Premer-mınıstr.
