«Ońtústik» ÁKK arqyly qanatqaqty joba sheńberinde jeńildetilgen kredıtteýdiń arqasynda 2021-2022 jyldar ishinde óńirde 35 joba iske qosyldy – 21 sút fermasy, 4 qoı fermasy, 3 qus fabrıkasy, 1 shoshqa kesheni, 1 maıly daqyldardy qaıta óńdeý kásiporny, 2 jylyjaı jáne 3 jerdi sýarý jobasy. Kásipkerlerge kezeń-kezeńimen jyldyq 4% nomınaldy syıaqy mólsherlemesimen 8 jylǵa deıingi merzimge 35 mlrd teńge bólindi. Bastalǵan aýyl sharýashylyǵy jobalarynyń aýqymyn túsinetin bolsaq, 2020 jylǵa deıin búkil respýblıka boıynsha jyl saıyn orta eseppen 2-3 taýarly sút fermasy salynǵan. Al búginde salynǵan sút fermalary arqyly Soltústik Qazaqstan oblysynda shamamen 584 myń tonna nemese el boıynsha barlyq súttiń 10,5%-y óndiriledi. Bul rette 584 myń tonna súttiń 208 myń tonnasyn óńirdiń uıymdasqan sharýashylyqtary óndiredi. Bul respýblıkanyń jalpy kóleminiń 15%-ǵa jýyǵy, el boıynsha 1-oryn.
Soltústik Qazaqstan oblysy qanatqaqty jobasynyń oń tájirıbesin nazarǵa ala otyryp, Aýyl sharýashylyǵy mınıstrligi búkil el boıynsha tájirıbeni odan da tartymdy jaǵdaılarǵa deıin keńeıtýdi usyndy. О́ıtkeni Aýyl sharýashylyǵy vıse-mınıstri Jeńis О́serbaı bıznes-tańǵy asta atap ótkendeı, búgingi tańda memlekettiń negizgi mindeti – ımportty almastyrýdy qamtamasyz etý jáne eldiń qus eti, sút, kókónisterge degen qajettiligin sapaly ónimderdiń ishki óndirisimen jabý. Budan basqa, aýylda ınvestısııalyq jobalardy iske asyrýdyń oń áseri jańa jumys oryndaryn qurý bolmaq.
Búginde óńirlerdiń ákimdikteri áleýetti ınvestorlardy irikteýde. Keıinnen memlekettik organdar, «Atameken» UKP jáne bıznes ókilderinen jumys toptary qurylatyn bolady, olar ınvestısııalyq jobalardy tańdap, olardyń iske asyrylýyn qadaǵalaıtyn bolady. Talaptar óte joǵary: menshikti óndiristik jáne azyq-túlik bazasynyń bolýy, qarjylyq turaqtylyq, damyǵan óndiris jáne basqalar. О́z tarapynan jeńildikti kredıtteý baǵdarlamasyna qatysýshylar óndiriletin ónimdi ótkizý baǵasy boıynsha qarsy mindettemelerdi ózine alady.
«Osy baǵdarlamadan biz 100% qaıtarymdy, barlyq qatysýshy jobalardy tabysty iske asyrýdy kútemiz. Qatysý úshin iri bıznesti tartamyz, jobalar 1-2 jyl ishinde nátıje berýge tıis. Memleket óz tarapynan qarjy alýdyń qarapaıym jáne kúrdeli emes ádisin, qaıtarý merzimin uzartýdy jáne tómen paıyzdyq mólsherlemeni usynady. Sonymen birge ózara mindettemeler boıynsha biz kóterme jáne bólshek saýda deńgeıinde ónimderdiń turaqty baǵasyn kútemiz», dedi S.Jumanǵarın.
