«О́tken jyly 35 myńǵa jýyq azamat áskerge shaqyrtý alǵan. Birinshi kezekte shekarashylar, sodan keıin qarýly kúshter, memlekettik kúzet qyzmeti men ulttyq gvardııa shaqyryldy. О́zderińiz biletindeı, kóktemde naýryz aıynan bastap maýsym aıyna deıin shaqyrtý naýqany boldy. Al kúzgi naýqan 1 qyrkúıekten 31 jeltoqsanǵa deıin ótkizildi. Nátıjesinde, shekara qyzmetine - 6 myń, Ulttyq ulanǵa - 13 myń, qarýly kúshterge - 14 myńnan astam, memlekettik kúzet qyzmetine - 100-den astam, tótenshe jaǵdaılar qyzmetine - 300-den astam adam shaqyryldy», dedi QR QK Bas shtabynyń uıymdastyrý-jumyldyrý departamenti bastyǵynyń orynbasary Azamat Dýsımov brıfıng barysynda.
Onyń aıtýynsha, 2021 jylǵa qaraǵanda 2022 jyly shaqyrtý alǵandardyń sany birshama kóbeıgen.
«2021 jylmen salystyrǵanda ósim bar. Áskerge shaqyrtylǵandardyń sany 2000-ǵa kóbeıgen. Bul shekara áskerlerine, qarýly kúshter men memlekettik kúzet qyzmetine qatysty. Áskerge shaqyrtý - Memleket basshysynyń tapsyrmasyna sáıkes ótkiziletin josparly is-shara. Kelesi shaqyrý naýqany naýryz aıynda bastalady», dedi Azamat Dýsımov.
Aıtolǵan JÚNISHAN,
L.N.Gýmılev atyndaǵy EUÝ stýdenti
