Prezıdent • 16 Qańtar, 2023

Memleket basshysy «Abý Dabı turaqty damý aptalyǵy» sammıtine qatysty

230 ret

kórsetildi

1 mın

oqý úshin

Memleket basshysy Qasym-Jomart Toqaev Birikken Arab Ámirlikterine resmı sapary aıasynda «Abý Dabı turaqty damý aptalyǵy» sammıtiniń ashylý rásimine qatysty, dep habarlaıdy Egemen.kz Aqordaǵa silteme jasap.

Aıana TOǴANBEK

Memleket basshysy «Abý Dabı turaqty damý aptalyǵy» sammıtine qatysty

Sammıttiń maqsaty – jahandyq qoǵamdastyqty biriktiretin jáne túrli máselelerde, jańashyl seriktestik qatynastar men ınnovasııalyq sheshimderde kelisimge qol jetkizý úshin konstrýktıvti dıalogqa jol ashatyn ornyqty damý salasynyń kún tártibin qalyptastyrý jáne Klımattyń ózgerý máseleleri jónindegi BUU 28-konferensııasyna (COP28) tyń serpin berý.

Sonymen qatar jıynǵa Birikken Arab Ámirlikteriniń Prezıdenti sheıh Muhammed ben Zaıd Ál Nahaıan, Ońtústik Koreıa Prezıdenti Iýn Sok Iol, Ázerbaıjan Prezıdenti Ilham Álıev, Angola Prezıdenti Jýan Lorensý, Mysyr Syrtqy ister mınıstri, Klımattyń ózgerýi jónindegi BUU «COP27» konferensııasy sessııasynyń 27-prezıdenti Samıh Shýkrı, sondaı-aq saıasatkerler, jańartylatyn energııa, tehnologııalyq damý jáne ınnovasııa salalarynyń jetekshileri, ınvestorlar men kásipkerler qatysty.