Vedomstvonyń málimetinshe, 48 apparattyq-baǵdarlamalyq júıe qalanyń jol qaýipsizdigin qamtamasyz etedi (35-i jelilik ýchaskelerde jáne 13-i jol qıylysynda).
Júıe jyldamdyqty shekten asyrý, tyıym salynǵan baǵdarshammen júrý, jol belgilerin buzý sııaqty jol qozǵalysy erejelerin buzýdy tirkeıdi. Jol qozǵalysy erejelerin buzýdy esepke alý avtomatty túrde júredi. Barlyq quqyq buzýshylyqtar Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Ákimshilik is júrgizýdiń biryńǵaı tizilimine avtomatty túrde tirkeledi.
«Apparattyq-baǵdarlamalyq júıelermen tirkelgen quqyq buzýshylyqtarmen kelispegen jaǵdaıda Jambyl oblysynyń polısııa departamentine nemese buıryqta kórsetilgen telefon nómirine habarlasýǵa bolady», dep habarlady oblystyq baspasóz qyzmetinen.
Aıta keteıik, «Sergek» zııatkerlik qoǵamdyq jáne jol qaýipsizdigi júıesi Tarazda 2022 jyldyń 1 jeltoqsanynda testilik rejımde iske qosylǵan.
