Ǵarysh salasy óte kúrdeli tehnıkalyq jabdyqtardy jáne qomaqty qarjyny talap etedi.
NASA-nyń aıǵa oralýy «Artemıs» baǵdarlamasynan bastalǵan. Baǵdarlama boıynsha alǵa qoıylǵan úsh maqsattyń birinshisi sátti júzege asqan. Ol ushqyshsyz ushý arqyly raketalar men tehnologııalardyń jumysyn tekserý. Ekinshi maqsat adamdardy ǵarysh aılaǵynan alysyraq ushyrý bolsa, úshinshisi - ǵaryshkerlerdi Aıǵa bir aptaǵa jiberip, zertteý eksperımentterin ótkizý. Al Aıdy zertteýdegi basty maqsat - ony Marsqa ushatyn aılaq etý.
«Baǵdarlama 93 mıllıon dollardy qajet etedi. Biraq bul ekonomıkalyq qıyndyqtardy bastan keship jatqan amerıkalyq salyq tóleýshilerdiń qaltasyna aýyr tıedi. О́tken jyly kongreske bergen esebinde AQSh-tyń bas aýdıtorlyq keńsesi NASA-nyń jospary shyndyqqa janaspaıdy ári artyq shyǵyny kóp dep eskertip, shyǵyndardy neǵurlym senimdi ári ashyq etýi kerek ekenin aıtty. Alaıda, bıyl NASA suraǵanynan azyraq qarjylandyrylsa da, qongress onyń ǵaryshtaǵy zertteý jobalaryna buryńǵydaı qoldaý kórsetedi», dep jazdy zertteýshiler
Al Qytaı óziniń tolyq jumys istep turǵan «Tıangýn» ǵarysh stansııasyn grafıkke sáıkes orbıtaǵa shyǵaryp úlgergen. Qytaıdyń ǵaryshtyq baǵdarlamasy Aı men Marsqa zertteý sholǵylaryn ushyrǵan edi. Olar 2025 jylǵa qaraı Aıda ushqyshsyz zertteý stansııasyn qurýdy josparlap otyr.
«Ǵaryshkerler Aıǵa ushýdy ıgerdi. Ǵaryshtaǵy endigi qadam – Mars. Ol Aıdan 250 ese alys ornalasqan jáne oǵan usha alatyn ǵarysh kemesi joq. Ǵalymdar zymyrandy kóp otynmen ushyrýdyń ári planetaǵa qonýdyń qaýipsiz ádisin tapsa da, ǵaryshkerlerdi aman-emen keri qaıtarý máselesin sheshe almaı otyr», dep qorytyndylady Keıt Stıvens pen Pallab Gosh.
Aıtolǵan JÚNISHAN,
L.N.Gýmılev atyndaǵy EUÝ stýdenti
