SENATORLAR SÝARMALY EGIN JAIYN TALQYLADY

Keshe Senat Tóraǵasynyń orynbasary Muhambet Kópeevtiń qatysýymen ótken “dóńgelek ústel” barysynda elimizdegi sýarmaly egin sharýashylyǵy men sýarmaly jerlerdi tıimdi paıdalanýdy jetildirý máseleleri talqylandy. Sharaǵa Agrarlyq máseleler jáne qorshaǵan ortany qorǵaý komıtetiniń tóraǵasy Bolat Jylqyshıev jetekshilik etti. Shara barysynda vıse-spıker talqylanyp otyrǵan taqyryp agroónerkásip salasyn damytýdyń basym baǵyttaryn aıqyndaǵan Memleket basshysynyń Joldaýy turǵysynda óte mańyzdy bolyp otyrǵanyn aıtty. Elimizdiń 2020 jylǵa deıingi Strategııalyq damý jospary men údemeli ındýstrııa­lyq-ınnovasııalyq damytý jó­nin­degi 2010-2014 jyldarǵa arnalǵan memlekettik baǵdar­lamany júzege asyrý joldaryna toqtalyp ótken M.Kópeev, saladaǵy qatynastardy retteýshi zańnamalyq bazany odan ári jetildirý qajettigin atap ótti. Aýyl sharýashylyǵy vıse-mı­nıstri M.Orazaev talqylaýǵa qaty­sýshylardy sýarmaly egin sharýa­shy­lyǵyndaǵy memlekettik basqarý júıesin jetildirýge baǵyttalǵan is-sharalar barysy týraly habardar etti. M.Orazaev sýarmaly jerler kólemi­niń azaıýyna sebepterdiń qatarynda sýarmaly jerlerdi qalpyna keltirý baǵdarlama­la­ry­nyń jetkiliksiz qarjylan­dy­ry­lýyn (sońǵy 6 jylda osy maq­sattaǵy is-sharalarǵa qajet qarjy resýrstary tek 18 paıyzǵa ǵana qanaǵattandyrylyp keldi), taýar óndirýshiler men sý paıda­la­ný­shy­lardyń, sharýashylyqtardyń qarjy­lyq jáne materıaldyq-tehnıkalyq mardymsyz qamty­lýyn atady. “Dóńgelek ústel” barysynda baıandama jasaǵan salalyq komıtet hatshysy Qýanysh Aıtahanov qatysýshylar nazaryn sýarmaly jerlerdi tıimdi paıdalaný jolyn­daǵy sharalardy zańnamalyq tur­ǵy­dan qamtamasyz etý aspekti­le­ri­ne aýdardy. Komıtet tóraǵasy, son­daı-aq keıbir problemaly jáıt­ter týraly synı kózqaras­taryn bildirip, olardy sheshý jol­da­ry haqyndaǵy oılarymen bólisti. Talqylaýlardyń qorytyn­dylary boıynsha tıisti usynym­dar ázirlendi. Asqar TURAPBAIULY.