2 qyrkúıek kúni 43 jastaǵy traktorshy jyljymaly vagondy orman arasyna aparady. Tehnıkasynda aqaý bar ekenin bile tura, qaıtarda vagondy aýylǵa ákelmek bolǵan. Qaıtar jolda traktor murjasynan ushqyn atyp, ot tutanady. Sol kúni aýa temperatýrasy 38 gradýsqa kóterilip, qatty jel soǵyp turǵan. Jalpy orman órtine qatysty birneshe qylmystyq is qozǵalǵan. Sonyń ishinde sotqa jetip úkim shyqqan ázirge osy traktorshynyń isi ǵana.
«QR QK 58-babynyń 2-tarmaǵy boıynsha azamatqa bir jyl bas bostandyǵynan aıyrý jazasy kesildi. 63-bapqa sáıkes taǵaıyndalǵan jaza shartty túrde dep qabyldandy. Is boıynsha azamattyq talap qoıylǵan joq. Sot úkimi zańdy kúshine endi», dedi oblystyq sot baspasóz qyzmetiniń mamany Lázzat Baıǵojına.
