«Qazaqstan Respýblıkasy Prezıdentiniń Ákimshiligimen jáne aýdandyq máslıhatpen kelise otyryp, Almaty oblysy ákiminiń ókimimen Tańat Esenkeldiuly Aıdarbekov Talǵar aýdanynyń ákimi bolyp taǵaıyndaldy», dep jazylǵan Almaty oblysy baspasóz qyzmetiniń habarlamasynda.
Aımaq basshysy Marat Sultanǵazıev oblys aktıvine jańa ákimdi tanystyryp, aýdan ákimdiginiń aldynda turǵan birinshi kezektegi mindetter men basym maqsattarǵa toqtaldy.
Oblys ákiminiń aıtýynsha, oblys ekonomıkasyna ınvestısııa tartý, halyqty sapaly aýyz sýmen qamtamasyz etý, qurylys jumystarynyń sapasy men nysandardyń ýaqtyly paıdalanýǵa berilýin baqylaý jumystaryn kúsheıtý, qurylys jumystaryn jalǵastyrý qajet.
Tańat Esenkeldiuly Aıdarbekov 1971 jyly dúnıege kelgen. 1996 jyly Qazaq memlekettik agrarlyq ýnıversıtetin ekonomıst-býhgalter mamandyǵy boıynsha bitirgen. 2017 jyly Qazaqstan halyqtar dostyǵy ınjenerlik-pedagogıkalyq ýnıversıtetinde «Zań bakalavry» mamandyǵyn ıgerdi.
Eńbek jolyn 1996 jyly «Qýanysh» aksıonerlik qoǵamynda esepshi bolyp bastaǵan. Osy jyldary Almaty qalasy Áýezov aýdany ákimi apparatynyń ekonomıka bóliminiń bas mamany, Túrksib aýdany ákimi apparatynyń bólim meńgerýshisi, Túrksib aýdany ákiminiń orynbasary qyzmetterin atqardy. Bostandyq aýdany ákiminiń orynbasary, Almaty oblysy Kerbulaq aýdany ákiminiń orynbasary, Almaty oblysy boıynsha qazynashylyq basqarmasynyń basshysy qyzmetterinde bolǵan.
2021 jyldyń maýsym aıynan bastap Almaty qalasy boıynsha Qazynashylyq departamentiniń basshysy qyzmetin atqarǵan
