«Doma lýchshe» jobasy – Qazaqstandaǵy qala men aýyldyń aıyrmashylyǵy máselesin zertteýge baǵyttalǵan qoǵamdyq áleýmettaný zerthanasy. Bul zertteýdiń negizgi maqstaty – Qazaqstannyń ártúrli aımaqtaryndaǵy turǵyndardyń «úı» uǵymyn qalaı túsinetinin anyqtaý.
Tanystyrylymda áleýmettanýshy, RHShjMQA Federatıvti zertteý ádistemesi ortalyǵynyń dırektory Dmıtrıı Rogozın men joba kýratorlary ýrbanıstıka ortalyǵynyń tájirıbe boıynsha professory Aleksandr Vıleıkıs, AlmaU ýrbanıstıka ortalyǵynyń dırektory Ánel Moldahmetovanyń qatysýymen ashyq dıskýssııa ótti.
Joba kýratory, aımaqtyq damý baǵdarlamasynyń jáne Aýyldyq aımaqtardy turaqty damytý qorynyń densaýlyq saqtaý baǵdarlamasynyń úılestirýshisi Fatıma Gerfanovanyń aıtýynsha, zertteý nátıjesinde daıyndalǵan policy-paper-de aýylda bos ýaqyt ótkizýdiń mańyzdylyǵy, aýyl turǵyndarynyń ózara qarym-qatynasyn qurý qajettiligi týraly qyzyq qorytyndylar bar.
«Aýyldyq aımaqtardy turaqty damytý qory Qazaqstannyń aýyldyq aımaqtarynda jumys istegendikten biz jyl saıynǵy kóshi-qon aǵynyna kýá bolamyz. «Doma lýchshe» qoǵamdyq áleýmettaný zerthanasy aıasynda bizdi aýyl turǵyndarynyń aýylda qalýyna ne túrtki bolady, aýyl turǵyndaryna qalaǵa kóshse de «týǵan aýyl» qanshalyqty mańyzdy, qazir qalada turyp jatqan aýyldan shyqqan azamattar qandaı jaǵdaıda aýyldarǵa qaıta kóshýge daıyn degen suraqtar mazalady. Zertteý qorytyndysy men usynystar negizinde bolashaqta Aýyldyq aımaqtardy turaqty damytý qory jumys isteıtin aýyldarda túrli jobalar júzege asyrylmaq», dedi Fatıma Gerfanova.
Etnografıkalyq suhbattar nátıjesinde zertteýshiler túrli áleýmettaný jobalarynyń tıimdiligin, aýyldy damytý boıynsha júrgizilgen saıasat saldaryn, qala men aýyl arasyndaǵy ulǵaıyp bara jatqan alshaqtyqtyń sebebin baqylaı aldy. Zerthana qorytyndysy retinde zertteýdiń baıandaý bóligi, foto materıaldar men aýyldy damytý boıynsha keńester qamtylǵan policy-paper jarııalandy.
Zerthana aıasynda qazanda open-call nátıjesinde iriktep alynǵan qatysýshylar ádistemelik trenıngten ótip, Almaty, Makınsk, Kapıtonovka pen Voznesenkada aqparat jınady. Odan keıin qatysýshylar jınalǵan materıaldy (suhbat pen sýretter) rettep, zerthanada anyqtalǵan máselelerge sheshim usynatyn policy-paper-de konseptige saı ornalastyrý úshin eki aı boıy kezdesip turdy.
