A.Nupbaı men A.Arystanbekova 18 jasqa deıingi tennısshiler arasynda elimizdegi eń tabysty jup sanalady. Olar Delıdegi týrnırdiń fınalynda Taıland tennısshilerin eki sette 6:3, 6:2 esebimen tize búktirip, jarystyń bas júldesin jeńip aldy. О́tken jyly qazaqstandyq jup ITF Juniors serııasynda jeti týrnırde úzdik shyqqan bolatyn. Bul – Aııa men Asyljannyń birlese jeńgen bıylǵy birinshi, jalpy 10-tıtýly.
«Jyl basynda jeńiske jetken mańyzdy. Qazirgi deńgeıime rızamyn, budan keıin de babymda bolamyn dep oılaımyn. Asyljanǵa rahmet, dodada qıyn matchtar boldy. Biz sodan sátimen shyǵa bildik», dedi A.Nupbaı.
«Bul – Aııa ekeýmizdiń onynshy tıtýlymyz. Jańa maýsym basyndaǵy tabys tyń jetistikterge jeteleıdi, kúsh beredi. Federasııa men Team Kazakhstan akademııasynyń barlyq bapkerine alǵys aıtamyz», dedi A.Arystanbekova.
