Ssıntıgrafııa – emdeýdiń qolaıly ádisi

Kardıologııa jáne ishki aýrýlar Ǵylymı zertteý ıns­tıtýtynda biregeı apparat – mıokardtyń perfýzııalyq ssıntıgrafııasyn júrgizýge jáne júrektiń qaı aýmaqtary jetkilikti qanmen jáne qaı­sy­sy nashar qanmen qamta­masyz etiletinin kórýge múm­kindik beretin gamma-kamera jumys isteıdi. Mıokard perfýzııalyq ssıntıgrafııa­sy – júrektiń ıshemııalyq aýrýyn dıagnostıkalaýdyń, júrek bulshyq etiniń kúıin jáne tynyshtyq pen júk­teme kezinde koro­nar­­lyq tamyrlardyń fýnksıo­naldyǵyn anyqtaýdyń biregeı ınvazıvti emes ádisi. Bul ádis mıokard ıshemııasy sııaqty qaýipti jaǵdaıdy anyqtaý úshin qaýipsiz jáne tıimdi. Infarkt qaýpin baǵalaý jáne júrektiń bulshyq et tininiń qansha bóligi ınfarkt­tan keıingi tyrtyqpen aýys­tyrylǵanyn anyqtaý qajet bolǵan jaǵdaıda, ssıntıgrafııa óte qajet.

Zertteýdi gamma-kamerada júrgizý úshin pasıentke aldyn ala radıoaktıvti farmasevtıka engiziledi. Bul júrek aýmaǵyn jáne mıokardtyń qanyǵý kórinisin kórýge múmkindik beredi. Radıo farmasevtıka shamaly sáýle shyǵaratyndyqtan pasıent osyndaı dozany ádettegi rent­gendik zertteý arqyly alady.

Aıta ketý kerek, Radıo-­logııalyq em­de qoldanylatyn zamanaýı preparattar (99 mTs) jumsaq áserge ıe, bas­qa dári-dármektermen óza­ra árekettespeıdi jáne aller­gııalyq reaksııalar týdyrmaıdy. Radıoızotoptyq ádis zertteýge daıyndyq kezinde ádettegi ómir saltyn buzbaýǵa, preparattardy aǵzadan tabıǵı jolmen tez shyǵarýǵa múmkindik beredi. Emnen keıin jarty kúnniń ishinde denede radıofarmasevtıkalyq preparat qalmaıdy. Qajet bolsa, em-domdy qysqa ýaqyttan keıin júrgizýge bolady. Mıokardtyń perfýzııalyq ssıntıgrafııasy arqyly operasııa aldyndaǵy jáne operasııadan keıingi kezeńde júrektiń ıshemııalyq aýrýy men mıokard jaǵdaıyn dıag­nostıkalaý emdeý men jú­rekke jasalatyn ope­rasııa­lardyń sapasyn artty­rýǵa yqpal etedi.

Byltyr KIAǴZI klınıkasynda 300-den asa ssıntıgrafııa ótkizilgen.