Indýstrııa jáne ınfraqurylymdyq damý mınıstriniń orynbasary aıtqandaı, 2022 jyldyń qorytyndysy boıynsha óńdeý ónerkásibindegi óndiris kólemi 3,4%-ǵa ósti. О́ńdelgen ónimniń eksporty byltyrǵy 10 aıda 21,7 mlrd teńgege nemese 34,9%-ǵa jetti.
«2025 jylǵa deıin 134 myńǵa jýyq turaqty jumys ornyn ashyp, onyń ishinde monoqalalarda – 13 myń, sondaı-aq aýyldy jerlerde – 61 myń jumys ornyn ashý arqyly 734 jobany iske qosý josparlanǵan. Barlyq joba tolyǵymen qýatyna shyqqan kezde óndiris kólemi shamamen 10,4 trln teńgege jetedi», dedi I.Sharhan.
О́ńdeý ónerkásibindegi jobalardy qarjylaı turǵyda qoldaý úshin Indýstrııa jáne ınfraqurylymdyq damý mınıstrligi nesıeleý, lızıngtik qarjylandyrý, kapıtalǵa úlestik qatysý men ónerkásiptik granttardy berý syndy tetikterdi pysyqtady. Máselen, 2022 jyly damý ınstıtýttary arqyly jalpy somasy 425,5 mlrd teńgege joǵaryda atalǵan saladaǵy jobalardy qarjylandyrý qarastyryldy. Vedomstvonyń aqparaty boıynsha bıyl qajetti jobalardy qarjylandyrý úshin jalpy somasy 399,2 mlrd teńgege qujattama daıyndalǵan.
Sondaı-aq qazir óńdeý ónerkásibin damytý maqsatynda qarjylandyrýdyń qosymsha kózderi men tetikteri jan-jaqty oılastyrylyp, pysyqtalyp jatyr.
Bul rette Memleket basshysy Qasym-Jomart Toqaevtyń tapsyrmasyna sáıkes «О́nerkásiptik saıasat týraly» zań qabyldanǵanyn aıta ketken oryndy. Onyń negizgi maqsaty básekege qabiletti ári joǵary tehnologııalyq, sondaı-aq eksportqa baǵdarlanǵan ónim óndirisin ulǵaıtý jáne óńdeý ónerkásibin turaqty jolǵa qoıý arqyly damýdyń shıkizattyq modelinen arylý jatady. Osyǵan baılanysty IIDM júıeli sharalardy qabyldap jatqanyn aıta keteıik. Onyń ishinde ınvestısııalyq jobalardy iske asyrý, qoljetimdi qarjylandyrýdy kózdeıtin tetikterdi ázirleý men óńdeýshi kásiporyndardy otandyq shıkizatpen qamtamasyz etýdi aıtýǵa bolady.
