Eýropalyq qaıta qurý jáne damý banki elimizge 100 mln. dollar bólmek

ASTANA. 12 maýsym. Eýropalyq qaıta qurý jáne damý banki elimizdegi shaǵyn jáne orta bıznesti damytý maqsatynda mıkronesıeler túrinde 100 mln. dollar usynyp otyr. Eýropalyq qaıta qurý jáne damý bankiniń prezıdenti Sýma Chakrabar Sheteldik ınvestorlar keńesiniń 27-shi jalpy otyrysynda osylaı dep málimdedi. Bul týraly primeminister.kz habarlady. Sýma Chakrabar: «Qazaqstanǵa shaǵyn jáne orta bıznesti mıkronesıeleý baǵdarlamalary boıynsha 100 mln.-nan astam dollar usynýǵa daıynbyz. Mundaǵy maqsat – atalǵan salanyń damýyna ınstıtýttardyń  aralasýyn arttyrý», – dedi. Budan bólek, eýropalyq banktiń basshysy nesıeleýdiń bul túrimen iri kásiporyndar da qamtylatynyn jetkizdi. Sondaı-aq, ol: «Qazaqstan men Eýropalyq qaıta qurý jáne damý bankiniń aldynda kóptegen mindet tur. Onyń bárin iske asyrý úshin barlyq kúshimizdi salamyz», –  dedi. Joldybaı Bazar. Derekkóz: primeminister.kz. Foto: Tehnoblog.ru.