Úkimet munaı-hımııa salasyna 3 mlrd. dollar ınvestısııa tartýǵa nıetti

ASTANA. 12 maýsym.  Elimizde údemeli ındýstrıaldy-ınnovasııalyq damý baǵdarlamasy aıasynda munaı-hımııa salasyn damytý maqsatynda 3 mlrd. dollar ınvestısııa tartý kózdelip otyr. Úkimet basshysynyń orynbasary, Indýstrııa jáne jańa tehnologııalar mınıstri Áset Isekeshev Shetelik ınvestorlar keńesiniń 27-shi jalpy otyrysynda osylaı dep málimdedi. Bul týraly «Interfaks-Qazaqstan» habarlady. Áset Isekeshov: «Údemeli ındýstrıaldy-ınnovasııalyq damý baǵdarlamasynyń alǵashqy 5 jyldyǵy barysynda 10-nan astam basymdyqty ónim túrleriniń shyǵarylymy jolǵa qoıyldy. Al 2018 jylǵa deıin taǵy 15 ónim túri ıgerilmek.  LG Chem, Evrohım, Fosfa syndy sheteldik ınvestorlarmen iri jobalar júzege asyryldy», – dedi. Onyń aıtýynsha aldaǵy ýaqytta qolǵa alynatyn jańa iri jobalar shamamen 3 mlrd. dollar ınvestısııa tartýǵa múmkindik beredi. Sondaı-aq, ol: «2019 jylǵa qaraı Qazaqstanda eksporttyq áleýeti 3 mlrd. AQSh dollarynan asatyn ónerkásip óndirisiniń jańa salalary qurylyp, ishki naryqty tyńaıtqyshtarmen, gerbısıdtermen tolyq qamtamasyz etýge qol jetkiziledi, hımıkattar óndirisi damıdy», – dedi. Joldybaı Bazar. Derekkóz: «Interfaks-Qazaqstan». Foto: primeminister.kz.