Spıkerdiń aıtýynsha, elimizdiń batys óńirinde «Aqtóbe – Qandyaǵash – Maqat» jol ýchaskesin jóndeý jumystary jalǵasyp jatyr. Máselen, «Qandyaǵash – Maqat» ýchaskesinde negizgi jumystar aıaqtalyp, bıyl atalǵan baǵytta jol qozǵalysy ashylady dep josparlanǵan. Sondaı-aq uzyndyǵy 96 shaqyrym bolatyn «Aqtóbe – Qandyaǵash» ýchaskesi boıynsha da jyl sońyna deıin jol júrisi ashylady.
«Atyraý – Astrahan» ýchaskesi jaıly aıtatyn bolsaq, onyń 277 shaqyrymynyń 140 shaqyrynda kólik qozǵalysy qamtamasyz etilgen.
Aıta ketsek, Batys Qazaqstan oblysynda 248 shaqyrymdaı jolǵa kúrdeli jóndeý júrgizilip, onyń 129 shaqyrymynda jol júrisi qamtamasyz etildi.
«Qazir tıisti jumystardy ýaqtyly aıaqtaý úshin qajetti materıaldar daıyndalyp jatyr. Aqpan aıynan bastap ınertti materıaldardy tasymaldaýǵa arnalǵan vagondar parkin ulǵaıtýdy josparlap otyrmyz», dedi vıse-mınıstr.
IIDM basshysynyń orynbasary ótken jyly avtojol jobalarynyń sapasyn arttyrý maqsatynda zańnamalyq deńgeıde birqatar túzetý qabyldanǵanyn eske saldy. Máselen, kepildik merzimi kezeńinde avtorlyq qadaǵalaý men tehnıkalyq baqylaýdyń jaýapkershiligi ortaq bolady.
