Qazaqstan tennısshisi jasyl qurlyqta ótip jatqan «Úlken dýlyǵa» sanatyndaǵy alǵashqy jarystyń bastapqy kezdesýin álemniń 42-raketkasy rýmynııalyq Sorana Kyrstıamen ótkizdi. Birinshi partııany rýmynııalyq sportshy sátti bastap, 6:2 esebimen basym tústi. Degenmen Iýlııa keıingi eki partııada tarazy basyn teńestirip qana qoımaı, qarsylasyn jarys jolynan yǵystyra bildi – 6:4, 6:3.
Eki saǵatqa jýyq sozylǵan matchta Pýtınseva 3 eıspen birge bes breık-poıntty túgel paıdalana bildi. Jerlesimiz búgin týrnırdiń úshinshi aınalymyna shyǵý úshin álemniń 31-raketkasy chehııalyq Karolına Plıshkovamen sheberlik baıqasady. Karolına alǵashqy aınalymda Qytaı tennısshisi Sıý Vandy eki sette – 6:1, 6:3 esebimen jeńgen bolatyn.
