Buǵan deıin Memleket basshysy elimizde 2025 jylǵa deıin 100 myńnan kem emes kólemde zamanaýı ıgilikterdi erkin meńgergen IT-maman daıyndaý týraly mindet júktegen edi. Astana Hub IT-startaptar halyqaralyq tehnoparkiniń basshysy Maǵjan Mádıevtiń aıtýynsha, sol 100 myń talapkerdiń 20 myńy Sıfrlyq damý mınıstrliginiń bastamasymen, Astana Hub bazasynda ázirlengen Tech Orda baǵdarlamasymen oqytylmaq. Munda stýdentter veb-ázirleýdi meńgerip, Big Data, Blockchain, 3D-dızaın jasaýdy, baǵdarlamalyq jáne apparattyq qamtamasyz etýdi, mobıldi qosymsha jasaýdy úırenedi. Oqý qazaq, orys jáne aǵylshyn tilderinde júrgiziledi.
«Atalǵan baǵdarlama aıasynda mınıstr Baǵdat Mýsın bilikti kadrlar daıarlaýǵa mamandanǵan otandyq jekemenshik IT-mektepterge qoldaý kórsetýdi tapsyrdy. Oqý uzaqtyǵy 6 aıdan 2 jylǵa deıin sozylady. Bul baǵdarlama boıynsha IT-mamandardyń alǵashqy tolqyny 2023 jyldyń ortasynda bitirip shyǵady», deıdi ol.
2021 jyly Tech Orda baǵdarlamasynyń qanatqaqty jobasy 100 stýdentti qamtyp, árbiriniń 600 myń teńge qarjylyq qoldaý alýyna jaǵdaı jasady. 2022 jyldyń qyrkúıek aıynda Tech Orda baǵdarlamasynyń aýqymyn keńeıtýi aıasynda IT salasynda qazaqstandyq qyzmetkerlerdi daıarlaý úshin vaýcherler alýǵa jeke IT-mektepterden jańa ótinimder qabyldana bastady.
70 ótinimdegi árbir mektep pen kýrstyń derekterine súıene otyryp, táýelsiz komıssııa IT salasynyń ártúrli baǵytyndaǵy 146 kýrsty usynatyn 49 qatysýshy mektepti tańdady. Nátıjesinde, algorıtmniń arnaıy ázirlengen matematıkalyq modeli negizinde mektepter arasynda 3 myńnan astam vaýcher taratyldy.
Baǵdarlamany ázirleý kezinde Qazaqstan aımaqtarynda IT-bilim berýdi qoldaýǵa erekshe kóńil bólindi. 2021 jylmen salystyrǵanda óńirlerdegi IT mektepter sany áldeqaıda kóbeıgen. 17 IT-mektep (35 paıyzy) óńirlerde ornalasqan. Qyzylorda, Oral, Aqtaý, Aqtóbe qalalarynda 1 mektepten bar bolsa, Qaraǵandyda – 2, Shymkentte – 2, Pavlodarda – 3, Atyraýda 3 mektep bar.
Sodan keıin mektepter bir aı ishinde tańdaǵan IT mamandyǵynyń ereksheligine jáne áleýetti úmitkerlerdiń daıyndyq deńgeıine baılanysty stýdentterdi irikteýdiń birneshe kezeńin ótkizdi. Vaýcher alǵan stýdenttermen tizimder negizinde Astana Hub jáne baǵdarlamaǵa qatysýshy mektepter arasynda kelisimsharttar jasaldy. Byltyr mektepterge áleýetti stýdentterden 16 myń ótinim kelip túsken. Nátıjesinde, 3 068 stýdent IT salasyn kásibı damytý jolyndaǵy óz joldaryn bastap ketken.
Qyzmet túri men mamandyǵyna qaramastan, 18 ben 45 jas aralyǵyndaǵy barlyq nıet bildirgen Qazaqstan azamaty Tech Orda baǵdarlamasy boıynsha bilim alý múmkindigine ıe.
