«Digital Almaty: jańa bolmystaǵy sıfrlyq áriptestik» halyqaralyq tehnologııalyq forýmy aıasynda sıfrlandyrý salasyndaǵy úzdik jetistikteri úshin dástúrli jyl saıynǵy syılyq tabys etiledi. Bul týraly Sıfrlyq damý, ınnovasııalar jáne aeroǵarysh ónerkásibi mınıstrligi habarlady.
Jeńimpazdar alty atalym boıynsha belgilenedi. Atap aıtqanda, EdTech Company of the Year; MedTech Company of the Year; FinTech Company of the Year; e-Commerce Company of the Year; Woman in Tech of the Year; Venture Capitalist of the Year atalymdary boıynsha baq synaýǵa bolady.
IT-salasyndaǵy barlyq kompanııa Digital Almaty Awards bóliminde «О́tinim berý» batyrmasyn basyp, forýmnyń almatydigital.kz saıtynda syılyq alýǵa ótinimdi bere alady. О́tinimder 21 qańtarǵa deıin qabyldanady. Jeńimpazdar 2023 jyldyń 2-3 aqpanynda «Digital Almaty: jańa bolmystaǵy sıfrlyq áriptestik» forým barysynda marapattalady.
Aıta ketelik, alǵashqy ret atalǵan syılyq «Digital Almaty: jahandyq ekonomıkanyń sıfrlyq bolashaǵy» forýmynda 2020 jyly berilgen, onda 10 sıfrlyq joba usynylǵan, onyń ishindegi 8-i «IT-chempıony» sanatyndaǵy Qazaqstannyń úzdik IT-kompanııalary ónimderi jáne 2 joba Astana Hub brendtegi startaptar.
Digital Almaty – sıfrlyq kún tártibin, sıfrlyq transformasııanyń jańa strategııalaryn jáne sıfrlyq tehnologııalar salasyndaǵy trendterdi talqylaýǵa arnalǵan dástúrli dıalog alańy. Forým 2018 jyldan bastap bes ret ótkizildi. Is-sharany elimizdiń Sıfrlyq damý, ınnovasııalar jáne aeroǵarysh ónerkásibi mınıstrligi, Syrtqy ister mınıstrligi, Almaty qalasynyń ákimdigi, Tech Garden jáne Astana Hub uıymdastyrady.
«Egemen-aqparat»
