– Naqtyraq aıtsam, polıseılermen júıeli júrgizilgen izdestirý nátıjesinde kúdikti retinde Kentaý qalasyndaǵy kólik jóndeý ornynda jumys isteıtin jergilikti turǵyn anyqtaldy. Er adamnan Lıder TT travmatıkalyq tapanshasy men bes patron tabyldy. Ári qaraı tintý sharalary onyń jumys ornynda, ıaǵnı kólik jóndeý ortalyǵynda júrgizildi. Jedel ýákilder 12 kalıbrli tegis uńǵyly eki ańshy myltyǵyn, árqaısysynyń salmaǵy 0,5 keli bolatyn 3 paket tútindi untaq, Baıkal-Kúzetshi travmatıkalyq tapanshasy, bir granata, 35 oq-dári men bir jarylys kezinde qoldanylatyn qorapsha tárkilendi. Osylaısha, jedel ýákilder qarýmen jasalatyn qylmystarǵa tosqaýyl qoıý, zańsyz qarý-jaraq saqtaý dereginiń jolyn kesýde kásibı sheberlikterin kórsetti. Qazirgi ýaqytta QR QK-niń 287-baby 3-bóligi (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý amaldary júrgizilip jatyr, – dep atap ótti Túrkistan oblysy PD bastyǵynyń orynbasary Qurmanbek Sahov.
Sot-krımınalıstıkalyq jáne ballıstıkalyq saraptama taǵaıyndaldy. Kúdikti qamaýǵa alynǵan. Tártip saqshylary kentaýlyq turǵynnyń osynshama qarý-jaraqty ne maqsatpen saqtap júrgenin anyqtap jatyr.
